بەلارۋستە ٶزٸن شٸركەۋ قىزمەتكەرٸ رەتٸندە تانىستىرىپ, زاڭسىز دٸني توپ قۇردى دەگەن كٷدٸكپەن 40 جاستاعى ەر ادام ۇستالدى, دەپ حابارلايدى dalanews.kz.
تەرگەۋ مەلٸمەتٸنشە, ول ينتەرنەت ارقىلى «دٸني قىزمەتتەر» ۇسىنىپ, ادامداردى ٶز ٷيٸنە جيناعان. الايدا دٸني رەسٸمدەردٸڭ ورنىنا ينتيمدٸك سيپاتتاعى توپتىق كەشتەر ۇيىمداستىرعانى ايتىلادى.
سونداي-اق كٷدٸكتٸ ٶزٸنٸڭ ايتۆ جۇقتىرعانىن قاتىسۋشىلاردان جاسىرعان. قۇقىق قورعاۋ ورگاندارى مۇنىڭ ٶزگە ادامداردىڭ دەنساۋلىعى مەن ٶمٸرٸنە قاۋٸپ تٶندٸرگەنٸن مەلٸمدەدٸ.
ەر ادام شٸركەۋ سالۋعا قارجى جينايتىنىن ايتىپ, جۇرتتان قايىرىمدىلىق كٶمەك العان. الايدا تەرگەۋ نۇسقاسى بويىنشا, جينالعان قاراجاتتى ٸشٸمدٸككە جۇمساعان.
بەلارۋس ٸشكٸ ٸستەر مينيسترلٸگٸنٸڭ حابارلاۋىنشا, كٷدٸكتٸ بۇعان دەيٸن كەمەلەتكە تولماعاندارعا قاتىستى ازعىن ەرەكەتتەرٸ جەنە پورنوگرافييالىق ماتەريالدار تاراتقانى ٷشٸن جاۋاپقا تارتىلعان.
قازٸرگٸ ۋاقىتتا وعان زاڭسىز دٸني ۇيىم قۇرۋ جەنە پورنوگرافييا تاراتۋ دەرەكتەرٸ بويىنشا قىلمىستىق ٸس قوزعالدى. كٷدٸكتٸ ۋاقىتشا ۇستاۋ يزولياتورىنا قامالدى.
