Úkimet otyrysynda premer-ministr Oljas Bektenov aýyl sharýashylyǵyndaǵy tsifrlandyrý máselesine kóńili tolmaitynyn jetkizdi, dep habarlaidy Dalanews.kz.
"Ózbekstan bizdiń tehnologiialardy paidalanyp otyr. Al biz nege qoldanbaimyz? Nelikten Ózbekstan aqsha bólip, bizdiń aitishnikter jumys istep jatyr. Al sizder nege qoldanbaisyzdar? Sý únemdemeisizder me? Mine, osy tehnologiialardy paidalanyp, sý únemdeńizder", – dedi Úkimet basshysy.
Eske salaiyq, buǵan deiin Aýyl sharýashylyǵy ministri Aidarbek Saparov biyl elimizde aýyl sharýashylyǵy daqyldary egiletin jer kólemi ótken jylmen salystyrǵanda 518 myń gektarǵa artatynyn málimdegen bolatyn.
Ministrdiń aitýynsha, aýyl sharýashylyǵy ónimin eki ese ulǵaitý jónindegi jol kartasy aiasynda egis alqaptaryn ártaraptandyrý jumystary jalǵasady. Barlyq tiisti kórsetkish ákimdikterge jetkizilgen.
“Biyl aýyl sharýashylyǵy daqyldary 23,8 million gektarǵa egiledi, bul ótken jylmen salystyrǵanda 518 myń gektarǵa kóp”, — dedi ministr.
Ártaraptandyrý aiasynda rentabeldigi joǵary daqyldardyń kólemi 750 myń gektarǵa ulǵaiady.
“Onyń ishinde: maily daqyldar – 365 myń ga,azyqtyq daqyldar – 184 myń ga, arpa – 114 myń ga, qaraqumyq – 41,5 myń ga, kartop – 15 myń ga bolady”, — dep qosty ol.
Sonymen qatar bidaiǵa táýeldilikti azaitý maqsatynda egistik qurylymyn ózgertý jumystary jalǵasyp jatyr. Sońǵy eki jylda bidai alqaby 730 myń gektarǵa, al biyl 159 myń gektarǵa qysqarǵan.
