ٷكٸمەت وتىرىسىندا پرەمەر-مينيستر ولجاس بەكتەنوۆ اۋىل شارۋاشىلىعىنداعى تسيفرلاندىرۋ مەسەلەسٸنە كٶڭٸلٸ تولمايتىنىن جەتكٸزدٸ, دەپ حابارلايدى Dalanews.kz.
"ٶزبەكستان بٸزدٸڭ تەحنولوگييالاردى پايدالانىپ وتىر. ال بٸز نەگە قولدانبايمىز? نەلٸكتەن ٶزبەكستان اقشا بٶلٸپ, بٸزدٸڭ ايتيشنيكتەر جۇمىس ٸستەپ جاتىر. ال سٸزدەر نەگە قولدانبايسىزدار? سۋ ٷنەمدەمەيسٸزدەر مە? مٸنە, وسى تەحنولوگييالاردى پايدالانىپ, سۋ ٷنەمدەڭٸزدەر", – دەدٸ ٷكٸمەت باسشىسى.
ەسكە سالايىق, بۇعان دەيٸن اۋىل شارۋاشىلىعى مينيسترٸ ايداربەك ساپاروۆ بيىل ەلٸمٸزدە اۋىل شارۋاشىلىعى داقىلدارى ەگٸلەتٸن جەر كٶلەمٸ ٶتكەن جىلمەن سالىستىرعاندا 518 مىڭ گەكتارعا ارتاتىنىن مەلٸمدەگەن بولاتىن.
مينيستردٸڭ ايتۋىنشا, اۋىل شارۋاشىلىعى ٶنٸمٸن ەكٸ ەسە ۇلعايتۋ جٶنٸندەگٸ جول كارتاسى اياسىندا ەگٸس القاپتارىن ەرتاراپتاندىرۋ جۇمىستارى جالعاسادى. بارلىق تيٸستٸ كٶرسەتكٸش ەكٸمدٸكتەرگە جەتكٸزٸلگەن.
“بيىل اۋىل شارۋاشىلىعى داقىلدارى 23,8 ميلليون گەكتارعا ەگٸلەدٸ, بۇل ٶتكەن جىلمەن سالىستىرعاندا 518 مىڭ گەكتارعا كٶپ”, — دەدٸ مينيستر.
ەرتاراپتاندىرۋ اياسىندا رەنتابەلدٸگٸ جوعارى داقىلداردىڭ كٶلەمٸ 750 مىڭ گەكتارعا ۇلعايادى.
“ونىڭ ٸشٸندە: مايلى داقىلدار – 365 مىڭ گا,ازىقتىق داقىلدار – 184 مىڭ گا, ارپا – 114 مىڭ گا, قاراقۇمىق – 41,5 مىڭ گا, كارتوپ – 15 مىڭ گا بولادى”, — دەپ قوستى ول.
سونىمەن قاتار بيدايعا تەۋەلدٸلٸكتٸ ازايتۋ ماقساتىندا ەگٸستٸك قۇرىلىمىن ٶزگەرتۋ جۇمىستارى جالعاسىپ جاتىر. سوڭعى ەكٸ جىلدا بيداي القابى 730 مىڭ گەكتارعا, ال بيىل 159 مىڭ گەكتارعا قىسقارعان.
