2025 jyly "Otbasy banktiń" taza paidasy 126,4 mlrd teńgege jetip, qarjy uiymynyń jyldyq josparyn 5 paiyzǵa asyra oryndady. Sonymen qatar bank aktivteri men nesie portfelin ulǵaityp, turǵyn úi nesiesi naryǵyndaǵy úlesin 58%-ǵa deiin jetkizdi, dep habarlaidy dalanews.kz.
Jyl qorytyndysy boiynsha banktiń jalpy kirisi 449,8 mlrd teńgeni qurady. Bul 2024 jylmen salystyrǵanda 80,6 mlrd teńgege kóp. Al aktivter kólemi bir jylda 21,5%-ǵa ósip, 5,2 trln teńgege jetken. Nesie portfeli de ulǵaiyp, 4,05 trln teńgeni qurady.
Bank bergen nesielerdiń sapasy da joǵary deńgeide saqtalǵan. 90 kúnnen astam ýaqytqa tólemi keshiktirilgen problemalyq qaryzdardyń úlesi nebári 0,12% boldy. Menshikti kapitaldyń rentabeldiligi (ROE) 17,1%-ǵa, al aktivterdiń rentabeldiligi (ROA) 2,7%-ǵa jetti.
2025 jyly "Otbasy bank" ulttyq damý institýty mártebesine ie bolyp, baspanaǵa muqtaj azamattardy ortalyqtandyrylǵan esepke alý jumysyn da qolǵa aldy.
Bir jyl ishinde qazaqstandyqtar turǵyn úi qurylys jinaq júiesinde 1 millionnan astam jańa depozit ashqan.
Sonymen qatar bank 2025 jyly jalpy somasy 1,64 trln teńgeniń turǵyn úi nesiesin bergen. Nátijesinde 77 myń otbasy baspanaly boldy.
