2025 جىلى "وتباسى بانكتٸڭ" تازا پايداسى 126,4 ملرد تەڭگەگە جەتٸپ, قارجى ۇيىمىنىڭ جىلدىق جوسپارىن 5 پايىزعا اسىرا ورىندادى. سونىمەن قاتار بانك اكتيۆتەرٸ مەن نەسيە پورتفەلٸن ۇلعايتىپ, تۇرعىن ٷي نەسيەسٸ نارىعىنداعى ٷلەسٸن 58%-عا دەيٸن جەتكٸزدٸ, دەپ حابارلايدى dalanews.kz.
جىل قورىتىندىسى بويىنشا بانكتٸڭ جالپى كٸرٸسٸ 449,8 ملرد تەڭگەنٸ قۇرادى. بۇل 2024 جىلمەن سالىستىرعاندا 80,6 ملرد تەڭگەگە كٶپ. ال اكتيۆتەر كٶلەمٸ بٸر جىلدا 21,5%-عا ٶسٸپ, 5,2 ترلن تەڭگەگە جەتكەن. نەسيە پورتفەلٸ دە ۇلعايىپ, 4,05 ترلن تەڭگەنٸ قۇرادى.
بانك بەرگەن نەسيەلەردٸڭ ساپاسى دا جوعارى دەڭگەيدە ساقتالعان. 90 كٷننەن استام ۋاقىتقا تٶلەمٸ كەشٸكتٸرٸلگەن پروبلەمالىق قارىزداردىڭ ٷلەسٸ نەبەرٸ 0,12% بولدى. مەنشٸكتٸ كاپيتالدىڭ رەنتابەلدٸلٸگٸ (ROE) 17,1%-عا, ال اكتيۆتەردٸڭ رەنتابەلدٸلٸگٸ (ROA) 2,7%-عا جەتتٸ.
2025 جىلى "وتباسى بانك" ۇلتتىق دامۋ ينستيتۋتى مەرتەبەسٸنە يە بولىپ, باسپاناعا مۇقتاج ازاماتتاردى ورتالىقتاندىرىلعان ەسەپكە الۋ جۇمىسىن دا قولعا الدى.
بٸر جىل ٸشٸندە قازاقستاندىقتار تۇرعىن ٷي قۇرىلىس جيناق جٷيەسٸندە 1 ميلليوننان استام جاڭا دەپوزيت اشقان.
سونىمەن قاتار بانك 2025 جىلى جالپى سوماسى 1,64 ترلن تەڭگەنٸڭ تۇرعىن ٷي نەسيەسٸن بەرگەن. نەتيجەسٸندە 77 مىڭ وتباسى باسپانالى بولدى.
