Otbasy bank Qazaqstan qor birjasyna (KASE) árqaisysy 50 mlrd teńgeden eki ret obligatsiia shyǵarýdy josparlap otyr. Qarajat "Naýryz" turǵyn úi baǵdarlamasy boiynsha nesieleýge baǵyttalmaq, dep habarlaidy Dalanews.kz.
Obligatsiialardy 2025 jylǵy 13 tamyzda ornalastyrý josparlanyp otyr, bul týraly emitent atynan satýshy retinde áreket etetin Alatau City Invest anderraiteri habarlady.
Ár shyǵarylymdaǵy obligatsiianyń nominaldyq quny – 1 000 teńge, kýpondyq mólsherleme – 18%, tólemder jylyna eki ret júrgiziledi, al ainalym merzimi – bes jyl.
Buǵan deiin saitymyzda Otbasy bank salymshylarynyń depozitteri endi esepten shyǵarýǵa jáne buǵattaýǵa jatpaitynyn jazǵanbyz. Biylǵy jylǵy "Naýryz" baǵdarlamasy boiynsha alǵashqy qoljetimdi nesieni Batys Qazaqstan oblysynyń 26 jastaǵy turǵyny Beksultan Qaziýllinge rásimdelgeni de habarlanǵan.
