saiasattanýshy
Ahmetovtyń saiasi sahnadaǵy ǵumyryn eki kezeńge bólip qarastyrýǵa bolady. Ol – premerdiń orynbasary bolǵanǵa deiingi jáne premerlik qyzmettegi kezeń.
Úkimetbasynyń orynbasary bolǵan ýaqyt onyń kemeldengen kezeńine sai keldi. Osy ýaqytta Ahmetovtyń saiasi salmaǵy artyp, birshama bedelge ie boldy. Mundaida ara-tura tóbe kórsetip qoiý mańyzdy-tyn. Aitalyq, Úkimet úiinde qoǵam nazarynda bolǵan máselelerdi ortaǵa saldy. Al tikelei sonyń qarmaǵynda bolǵan salalarda (ÚIID, agroónerkásip, óńirlerdiń damýy, infraqurylym) sol ýaqytta ájeptáýir ilgerileý baiqaldy. Obaly ne kerek, árbir isti jaýapkershilikpen, tiianaqtylyqpen, bar kúsh-jigerimen sheshýge tyrysty. Iaǵni, sol ýaqyttary onyń ósýi, qyzmetiniń joǵarylaýy birjaǵynan zańdy bolatyn.
«Praktik–premer» retinde onyń aimaqtyq deńgeidegi eńbegin joqqa shyǵarýǵa bolmaidy. Úkimetbasy retinde ol memlekettik organdar men halyqtyń arasyndaǵy bailanysty durys jolǵa qoidy. Deiturǵanmen de, jalpy ministrler kabinetiniń jumys sapasyna yqpal etýge múmkindigi jetpegenin moiyndaý kerek. Demek, mundai saiasi qyzmette Ahmetovke «búrkittiń batyldyǵy» men «tazynyń shapshańdyǵy» qajet edi.
Al Premerlik kezeńge biz birjaqty baǵa bere almaimyz. Buǵan da eki túrli kózqaraspen qaraý jáne eki túrli baǵa berý mańyzdy. Munyń birinshisi – «tulǵalyq premer».
«Tulǵalyq premer» retinde ol Prezidenttiń senimine kirdi. Bul arada onyń basqarýshylyq qabileti óz aldyna, Memleket basshysy Ahmetovtyń qandai da bir quityrqy saiasi oiyndarǵa aralaspaǵanyna, qandai da bir yqpaldy toptarmen bailanysy joqtyǵyn, óziniń jáne komandasynyń «tazalyǵyna», iaǵni, jemqor atanyp, basy daýǵa qalmaǵanyna nazar aýdarǵan syqyldy. Soǵan qaramai ol qazaqstandyq saiasattaǵy saiasi elitanyń, bylaisha aitqanda «aýyr salmaqtylardyń» qataryna kire almady.
Al «praktik–premer» retinde onyń aimaqtyq deńgeidegi eńbegin joqqa shyǵarýǵa bolmaidy. Úkimetbasy retinde ol memlekettik organdar men halyqtyń arasyndaǵy bailanysty durys jolǵa qoidy. Deiturǵanmen de, jalpy ministrler kabinetiniń jumys sapasyna yqpal etýge múmkindigi jetpegenin moiyndaý kerek. Demek, mundai saiasi qyzmette Ahmetovke «búrkittiń batyldyǵy» men «tazynyń shapshańdyǵy» qajet edi...
Kóbine, bizge bul qyzmetti Elbasy qosa atqaryp júrgendei, al Ahmetov bolsa – báz-baiaǵy vitse-ministr qyzmetinde júrgendei kórinetin. Sodan da shyǵar, osy aralyqta ol «tehnikalyq premer» (saiasi tulǵa retinde salmaǵy jáne qoldaityn yqpaldy toby joq, eldegi saiasi-ekonomikalyq ahýalǵa áser ete almaityn adam) degen atqa ie boldy.
Joldaý... Ahmetovtiń túbine jetken osy Joldaý deidi. Teris túsinip qalmańyz. Tek Ahmetov Elbasynyń ózi jiti daiyndaǵan, mańyzdy saiasi qujat «Qazaqstan-2050» Strategiiasyn júzege asyrýda tiisti qarqyn men údeni qamtamasyz ete almady.
Kóbine, bizge bul qyzmetti Elbasy qosa atqaryp júrgendei, al Ahmetov bolsa – báz-baiaǵy vitse-ministr qyzmetinde júrgendei kórinetin. Sodan da shyǵar, osy aralyqta ol «tehnikalyq premer» (saiasi tulǵa retinde salmaǵy jáne qoldaityn yqpaldy toby joq, eldegi saiasi-ekonomikalyq ahýalǵa áser ete almaityn adam) degen atqa ie boldy.
Al onyń búgingi jaǵdaiǵa tap bolýy, tikelei jemqorlyqtyń emes, bileýshi elita ishindegi yqpaldy toptardyń qaita toptasýynyń saldary sekildi. Jalpy, eks-premer «primus inter pares» («teńdester arasynda birinshi») boiynsha ózin tolyqqandy asha almady.
Iá, Ahmetovtyń endi qaitip bilik Olimpine oralýy neǵaibyl. Al onyń temir torǵa qamalý-qamalmaýy, týrasyn aitý kerek, bileýshi elitadaǵy yqpaldy toptardyń kelissózine bailanysty bolady.
