Biyl Qazaqstan halqy Naýryz meiramyn jańashyldyqpen hám jaǵymdy jańalyqtarmen qarsy alýda. Buǵan deiin Ulystyń uly kúnin toilaýdyń tujyrymdamasy bekitilip, Naýryznama onkúndigi jariialanǵan bolatyn.
ShQO jurtshylyǵy da jyldyń basyn ózgeshe qarsy alyp, ónegeli de rýhani is-sharalardyń legin jalǵastyrýda. Endigi kezekte 21 naýryz kúni Óskemende Qydyr ata rezidentsiiasy ashylmaq, dep habarlaidy Dalanews.kz Altainews.kz saityna silteme jasap.
Bul týraly oblystyq mádeniet basqarmasy málim etti. Sondai-aq osy kúni Sol jaǵalaý murajai-qoryq kesheninde Naýryz meiramyna arnalǵan kóptegen is-sharalar ótpek.
– Sol jaǵalaý murajai-qoryq kesheninde 21 naýryz kúni ulttyq taǵamdar jármeńkesi, qolóner sheberlik sabaqtary, ulttyq sport oiyndar ótip, balalar men jasóspirimderge arnalǵan oiyn alańy bolady. Ortalyq sahnada oblystyń shyǵarmashylyq ujymdary jáne jeke oryndaýshylarynyń qatysýymen merekelik kontsert ótedi. Basty oqiǵalardyń biri Qydyr ata rezidentsiiasynyń ashylý saltanaty bolady, – dep habarlady mádeniet basqarmasy.
Aita keteiik, biyl ShQO-da Aiaz ata rezidentsiiasy ashylyp, jurtshylyq bul bastamany jyly qabyldaǵan bolatyn. Endigi kezekte Óskemen turǵyndary Qydyr atadan bata alyp, Qydyr ata rezidentsiiasynda qonaqta bolmaq.
