Óskemen qalasynda jańa jylý elektr ortalyǵyn salý josparlanǵan. Bul jaiynda óńirlik kommýnikatsiialar qyzmetinde ótken brifingte Shyǵys Qazaqstan oblysy energetika jáne turǵyn úi-kommýnaldyq sharýashylyq basqarmasynyń basshysy Nurlan Ramazanov aityp berdi, dep habarlaidy Dalanews.kz Altainews.kz-ke silteme jasap.
Jańa jylý elektr ortalyǵy Prezident Qasym-Jomart Toqaevtyń tapsyrmasyna sáikes salynbaq. Joba jylý qýatynyń tapshylyǵyn joiýǵa jáne qalany damytý úshin qajetti rezervti qurýǵa múmkindik beredi. Búginde óńirde jylý qýatyna degen qajettilik 1232 Gkal/saǵ quraidy.
Sondai-aq Óskemen qalasynda jylý energiiasynyń tapshylyǵyn tómendetý maqsatynda 2023 jylǵy jeltoqsanda «Óskemen jylý jelileri» AQ №2 qazandyqty keńeitý boiynsha jobalaý-smetalyq qujattamany ázirleý bastaldy, bul joba jylý kózin saǵatyna 100 Gkal-ǵa ulǵaitýǵa baǵyttalǵan.
«Óskemen JEO» JShS Energetika ministrligimen jylý qýaty 130 Gkal/saǵ bolatyn 16-shy qazandyq agregatyn salýǵa investitsiialyq kelisimge qol qoidy, al «Sogra JEO» JShS-de qýaty 60 Gkal/saǵ bolatyn tórtinshi qazandyq agregatyn salýǵa kelisim jasasý máselesi pysyqtalýda.
