Búgin Abai ýniversitetinde 2026-2027 oqý jylyna arnalǵan qabyldaý naýqany bastaldy. Biylǵy mektep bitirýshi túlekter úshin elimizdegi eń úzdik pedagogikalyq joǵary oqý ornynda qabyldaý komissiiasy óz jumysyna kiristi. Qabyldaý naýqanynyń ashylý saltanatyna QR Ǵylym jáne joǵary bilim ministriniń keńesshisi Rýslan Emelbaev jáne ýniversitet basshylyǵy, qyzmetkerleri men talapkerler qatysty, dep habarlaidy dalanews.kz.
20 maýsymnan bastap elimizdiń barlyq óńirinde ýniversitetter qabyldaý jumysyn bastaidy. Respýblika boiynsha biyl 215 myńnan astam adam mektep bitirse, 240 myńnan astam úmitker ulttyq biryńǵai testileýden ótip jatyr. Qara shańyraq Abai atyndaǵy QazUPÝ-dyń qabyldaý komissiiasynyń ashylýyna Ǵylym jáne joǵary bilim ministriniń keńesshisi Rýslan Emelbaev arnaiy qatysyp, qabyldaý naýqanyna sáttilik tiledi.
"Búgin respýblika boiynsha joǵary oqý oryndarynda qabyldaý komissiiasy óz jumysyn bastady. Bul – óz mamandyǵyn tańdap, shekti ballyn jinaǵan talapkerler úshin. Sondai-aq shyǵarmashylyq emtihan tapsyratyn úmitkerler de búginnen bastap ýniversitetterge qujattaryn tapsyra alady. Al, memlekettik grant konkýrsyna qujattar qabyldaý 13-20 shilde aralyǵynda júrgiziledi.
Biyl Abai ýniversitetinde tiimdi úderis iske qosylyp otyr. Bul – konsýltatsiia ortalyǵy. Talapkerlerdiń ómirlik baǵyt-baǵdaryn aiqyndaýǵa, mamandyqty durys tańdaýǵa, grant konkýrsynda kórsetilgen 4 joǵary oqý ornyn naqty anyqtaýǵa múmkindik beredi. Konsýltatsiiadan keiin ǵana talapker tehnikalyq hatshyǵa qujattaryn ótkizedi. Sondyqtan, qabyldaý komissiiasynyń mundai tiimdi jumys algoritmi ata-analar úshin de, talapkerler úshin de paidaly bolady dep senemin", – dedi ministr keńesshisi.
Is-shara barysynda ýniversitettiń Akademiialyq qyzmet jónindegi prorektory Baný Narbekova bilim berý baǵdarlamalarymen tanystyrdy. Oqý orny talapkerlerge jalpy sany 157 bilim berý baǵdarlamasy boiynsha keń tańdaý usynatynyn jetkizdi. Onyń ishinde bakalavriatta – 60, magistratýrada – 58, doktorantýrada – 39 jáne Lotaringiia filialynda 8 bilim berý baǵdarlamasy júzege asyrylatynyn alǵa tartty. Ashylý saltanatynda sóz alǵan Baný Muhataiqyzy pedagogikalyq baǵytqa talapkerlerdiń qyzyǵýshylyǵy joǵary ekenin aitty.
"Ótken jylǵy qabyldaý qorytyndysynda respýblika boiynsha Abai ýniversitetin 23 555 talapker tańdasa, ýniversitetimizge 5 myńǵa jýyq memlekettik bilim granty bólinip, 8 053 stýdent oqýǵa qabyldanǵan bolatyn. Sondai-aq Abai ýniversitetin tańdaǵan talapkerlerdiń qatarynda 768 «Altyn belgi» iegeri men 997 úzdik attestat iegeri boldy. Bul – ýniversitetimizge degen joǵary senimniń jáne sapaly bilim berýdiń naqty nátijesi", – dedi prorektor.
Shara barysynda Áleýmettik damý jónindegi prorektory Maqsat Jaqaýov qabyldaý kezeńinde talapkerler tarapynan akademiialyq jáne áleýmettik suraqtar týyndaitynyna toqtaldy. Oqý aqysyna bailanysty áleýmettik jeńildikter jáne jataqhana boiynsha konsýltatsiia júrgizilip, bolashaq stýdentterdiń jaǵdaiy jasalatynyn jetkizdi.
Aita keteiik, Abai ýniversitetiniń qabyldaý komissiiasy Almaty qalasy Qazybek bi kóshesi, 30 mekenjaiynda ornalasqan. Aptanyń dúisenbi-juma kúnderi 09:00-18:00, senbi kúni 09:00-14:00 ýaqyt aralyǵynda jumys isteidi. Shyǵarmashylyq emtihanǵa tirkelý 20 maýsymnan 6 shildege deiin júrgizilip, 7-12 shilde aralyǵynda emtihandar ótkiziledi. Al, memlekettik grant konkýrsyna qatysýǵa qujattar 13-20 shilde kúnderi qabyldanady.
