"Tamasha" shoýy arqyly kópshilikke tanylǵan akter Almat Saqatov ánshi Dimash Qudaibergenniń ónerdegi orny týraly aitty, dep dalanews.kz tilshisi Malim.kz saityna silteme jasap habarlaidy.
Ol YouTube jelisindegi "Qazaq Airan" jobasyna bergen suhbatynda sońǵy ýaqytta el arasynda "Maskadaǵy adam" atalyp júrgen blogerge qatysty da pikir bildirdi. Buǵan deiin áleýmettik jeli qoldanýshylary qaiyrymdylyq jasap júrgen bul adamnyń qimyly men beinesin Dimash Qudaibergenge uqsatyp, túrli boljam aitqan edi.
Akterden osy jumbaq adamnyń Dimash bolýy múmkin be degen suraq qoiyldy. Almat Saqatov mundai nusqany joqqa shyǵarmady.
"Dimash bolýy da múmkin. Qazir Dimash óte tanymal, sondyqtan ol eldiń nazarynda júr", – dedi ol.
Sonymen qatar akter Dimash Qudaibergenniń qazaq ónerin álemge tanytýdaǵy eńbegin erekshe baǵalady. Onyń sózinshe, Dimash – qazaq sahnasynda sirek kezdesetin fenomen.
"Sońǵy 70 jyldaǵy qazaq ónerindegi tulǵalardy jinasaq ta, olar Dimashtyń eńbegine jete almaidy. Erteń meni osy sózim úshin synaityn shyǵar. Dimash sekildi álemniń túkpir-túkpirinde án aitý birde-bir qazaq balasynyń qolynan kelmegen. Ol tarih jasap tastady. Dimashqa Qudai uzaq ǵumyr bersin", – dedi Almat Saqatov.
