"تاماشا" شوۋى ارقىلى كٶپشٸلٸككە تانىلعان اكتەر المات ساقاتوۆ ەنشٸ ديماش قۇدايبەرگەننٸڭ ٶنەردەگٸ ورنى تۋرالى ايتتى, دەپ dalanews.kz تٸلشٸسٸ Malim.kz سايتىنا سٸلتەمە جاساپ حابارلايدى.
ول YouTube جەلٸسٸندەگٸ "Qazaq Airan" جوباسىنا بەرگەن سۇحباتىندا سوڭعى ۋاقىتتا ەل اراسىندا "ماسكاداعى ادام" اتالىپ جٷرگەن بلوگەرگە قاتىستى دا پٸكٸر بٸلدٸردٸ. بۇعان دەيٸن ەلەۋمەتتٸك جەلٸ قولدانۋشىلارى قايىرىمدىلىق جاساپ جٷرگەن بۇل ادامنىڭ قيمىلى مەن بەينەسٸن ديماش قۇدايبەرگەنگە ۇقساتىپ, تٷرلٸ بولجام ايتقان ەدٸ.
اكتەردەن وسى جۇمباق ادامنىڭ ديماش بولۋى مٷمكٸن بە دەگەن سۇراق قويىلدى. المات ساقاتوۆ مۇنداي نۇسقانى جوققا شىعارمادى.
"ديماش بولۋى دا مٷمكٸن. قازٸر ديماش ٶتە تانىمال, سوندىقتان ول ەلدٸڭ نازارىندا جٷر", – دەدٸ ول.
سونىمەن قاتار اكتەر ديماش قۇدايبەرگەننٸڭ قازاق ٶنەرٸن ەلەمگە تانىتۋداعى ەڭبەگٸن ەرەكشە باعالادى. ونىڭ سٶزٸنشە, ديماش – قازاق ساحناسىندا سيرەك كەزدەسەتٸن فەنومەن.
"سوڭعى 70 جىلداعى قازاق ٶنەرٸندەگٸ تۇلعالاردى جيناساق تا, ولار ديماشتىڭ ەڭبەگٸنە جەتە المايدى. ەرتەڭ مەنٸ وسى سٶزٸم ٷشٸن سىنايتىن شىعار. ديماش سەكٸلدٸ ەلەمنٸڭ تٷكپٸر-تٷكپٸرٸندە ەن ايتۋ بٸردە-بٸر قازاق بالاسىنىڭ قولىنان كەلمەگەن. ول تاريح جاساپ تاستادى. ديماشقا قۇداي ۇزاق عۇمىر بەرسٸن", – دەدٸ المات ساقاتوۆ.
