Qorǵanys ministrligi jariialaǵan málimetke sáikes, el aýmaǵynda jariialanatyn erekshe kezeń dep áskeri jáne tótenshe jaǵdai nemese antiterrorlyq operatsiiany ataidy.
Atalǵan mekeme budan bólek erekshe kezeńde BAQ, áleýmettik jelilerdiń áreketin baqylaýǵa alýdy usynady.
Qazir bári áleýmettik jeline baqylaýǵa alǵysh bolyp ketti. Munyń sońy jaqsylyqqa aparmasy anyq. Ony keshegi Qańtar oqiǵasy soqyrǵa taiaq ustatqandai kórsetip berdi emes pe? Osyny bile tura bizdiń biliktiń bir orǵa qaita-qaita túse beretini qyzyq.
Halqy Qorǵanys ministrligin aty-jóni synamityny belgili. Áskerge alynǵan balalar ai jarym bolmai ólim qushyp, oq-dári qoimasy jarylyp jatsa, mundaida qalai úndemei otyrýǵa bolady? Bul múmkin emes qoi.
Ministr Rýslan Jaqsylyqov halyqtyń aýzyn japqyzǵansha qazaq tilin úirenip, áskerdegi álemjettikti tyiyp alsyn. Sol kezde oǵan eshkim «áńgime» aitpady.
Aitpaqshy, Qorǵanys ministrligi bul usynystaryn "álemdik tájiribege" súienip, jasap otyrǵanyn jetkizdi. Erekshe kezeńde bul talaptyń bári tek eldiń joǵarǵy basshylyǵy tarapynan engiziletinin jetkizgen.
Konstitýtsiiaǵa sáikes, elimizde tsenzýraǵa tyiym salynǵan, árbir adam erkin aqparat alýǵa, tartýǵa erki bar.
Qorǵanys ministrligi mundai usynysyn Qańtar oqiǵasynan 11 ai ótkennen keiin málimdep otyr. Astana UQShU áskeriniń kómegine júgindi. Elde tolyq tótenshe jaǵdai engizilip, "antiterroristik operatsiia" júrgizildi. Barlyq aimaqtarda internet bailanysy bolmady. Resmi málimetke sáikes, Qańtar oqiǵasy kezinde 238 adam qaza tapqan.
Resei biligi Ýkrainaǵa basyp kirgennen keiin, eldiń Qylmystyq kodeksine orys armiiasy týraly "jalǵan aqparat" taratýshylardy qylmystyq jaýapqa tartý jóninde jańa bap engizdi. Reseidiń quqyq qorǵaýshylarynyń málimetinshe, júzdegen adamǵa "jalǵan aqparat" taratty degen aiyppen qylmystyq is qozǵalǵan.
