قورعانىس مينيسترلىگى جاريالاعان مالىمەتكە سايكەس، ەل اۋماعىندا جاريالاناتىن ەرەكشە كەزەڭ دەپ اسكەري جانە توتەنشە جاعداي نەمەسە انتيتەررورلىق وپەراسيانى اتايدى.
اتالعان مەكەمە بۇدان بولەك ەرەكشە كەزەڭدە ب ا ق، الەۋمەتتىك جەلىلەردىڭ ارەكەتىن باقىلاۋعا الۋدى ۇسىنادى.
ءقازىر ءبارى الەۋمەتتىك جەلىنە باقىلاۋعا العىش بولىپ كەتتى. مۇنىڭ سوڭى جاقسىلىققا اپارماسى انىق. ونى كەشەگى قاڭتار وقيعاسى سوقىرعا تاياق ۇستاتقانداي كورسەتىپ بەردى ەمەس پە؟ وسىنى بىلە تۇرا ءبىزدىڭ بيلىكتىڭ ءبىر ورعا قايتا-قايتا تۇسە بەرەتىنى قىزىق.
حالقى قورعانىس مينيسترلىگىن ءاتى-جونى سىناميتىنى بەلگىلى. اسكەرگە الىنعان بالالار اي جارىم بولماي ءولىم قۇشىپ، ءوق-دارى قويماسى جارىلىپ جاتسا، مۇندايدا قالاي ۇندەمەي وتىرۋعا بولادى؟ بۇل مۇمكىن ەمەس قوي.
مينيستر رۋسلان جاقسىلىقوۆ حالىقتىڭ اۋزىن جاپقىزعانشا قازاق ءتىلىن ۇيرەنىپ، اسكەردەگى الەمجەتتىكتى تىيىپ السىن. سول كەزدە وعان ەشكىم «اڭگىمە» ايتپادى.
ايتپاقشى، قورعانىس مينيسترلىگى بۇل ۇسىنىستارىن "الەمدىك تاجىريبەگە" سۇيەنىپ، جاساپ وتىرعانىن جەتكىزدى. ەرەكشە كەزەڭدە بۇل تالاپتىڭ ءبارى تەك ەلدىڭ جوعارعى باسشىلىعى تاراپىنان ەنگىزىلەتىنىن جەتكىزگەن.
كونستيتۋسياعا سايكەس، ەلىمىزدە سەنزۋراعا تىيىم سالىنعان، ءاربىر ادام ەركىن اقپارات الۋعا، تارتۋعا ەركى بار.
قورعانىس مينيسترلىگى مۇنداي ۇسىنىسىن قاڭتار وقيعاسىنان 11 اي وتكەننەن كەيىن مالىمدەپ وتىر. استانا ۇقشۇ اسكەرىنىڭ كومەگىنە جۇگىندى. ەلدە تولىق توتەنشە جاعداي ەنگىزىلىپ، "انتيتەرروريستىك وپەراسيا" جۇرگىزىلدى. بارلىق ايماقتاردا ينتەرنەت بايلانىسى بولمادى. رەسمي مالىمەتكە سايكەس، قاڭتار وقيعاسى كەزىندە 238 ادام قازا تاپقان.
رەسەي بيلىگى ۋكرايناعا باسىپ كىرگەننەن كەيىن، ەلدىڭ قىلمىستىق كودەكسىنە ورىس ارمياسى تۋرالى "جالعان اقپارات" تاراتۋشىلاردى قىلمىستىق جاۋاپقا تارتۋ جونىندە جاڭا باپ ەنگىزدى. رەسەيدىڭ قۇقىق قورعاۋشىلارىنىڭ مالىمەتىنشە، جۇزدەگەن ادامعا "جالعان اقپارات" تاراتتى دەگەن ايىپپەن قىلمىستىق ءىس قوزعالعان.
