Eńbekqor jas bul ónim túrin ósirýdi áleýmettik jeli arqyly úirenip, qyzyǵýshylyǵy artqan.
Balasynyń kásipkerlikke degen umtylysyn baiqaǵan anasy ony Tórtkól aýyldyq okrýginde atalǵan kásippen ainalysatyn Qarshyǵa Arysbekqyzyna tájiribe almasýǵa alyp barǵan. 37 jyldan beri osy kásippen ainalysyp kele jatqan kásipker talaby taýdai jasqa óz bilgenin úiretken.
Osylaisha ózine kerekti aqparat alǵan Dinmuhamed sańyraýqulaq ósirýge kirisip, nátijesinde 25 kúnde daiyn ónim alǵan.
– Áý basta 50 myń teńgege sańyraýqulaq uryǵyn, 10 myń teńgege qaýyz satyp aldym. Al sý, gaz shyǵyndaryna jobamen 10 myń teńgedei qarjy jumsaldy.
Arnaiy bólme ishine ekken uryqtardan 63 blok (meshochek) ónim shyqty. Daiyn ónimniń bir kelisin 1000 teńgeden satylymǵa shyǵarýdamyz. Bir bloktaǵy sańyraýqulaq 20 kúnde pisip, 2- 4 kelige deiin ónim alamyz. Negizinde bir blok 4 ret taza ónim beredi. Onyń alǵashqy 3 ónimi satylymǵa shyǵarylsa, sońǵysy konservige jabylady, – deidi jas agronom.
Aldaǵy kúnderi bala agronom memleket tarapynan qaitarymsyz grant alý arqyly úiirgelik jerindegi kásibin damytýdy kózdep otyr.
