Oralda bloger sheneýnikterden aqsha bopsalaǵany úshin sottaldy, dep habarlaidy Dalanews.kz.
Bloger Aibolat Bókenov úsh jyl ortasha qaýipsizdik deńgeiindegi koloniiada jazasyn óteidi. Sot ony alaiaqtyq, bopsalaý jáne qylmystyq jolmen alynǵan qarajatty zańdastyrý baptary boiynsha kináli dep tanydy.
Aiyptaý nusqasyna sáikes ol áleýmettik jelidegi paraqshasyn jergilikti bilikti synaý arqyly tanymal etken. Málimetke súiensek, keiin jariialanǵan jazbalardy óshirý úshin jáne basqa da maqsattarda sheneýnikterden aqsha talap etken. Bul is boiynsha aýdan ákimderi men departament basshylary jábirlenýshi retinde tanylǵan.
Sot barysynda Aibolat Bókenov kinásin moiyndaǵan. Onyń aitýynsha, alynǵan qarajattyń bir bóligin bás tigýge jumsap, utylyp qalǵan.
