ورالدا بلوگەر شەنەۋنىكتەردەن اقشا بوپسالاعانى ءۇشىن سوتتالدى، دەپ حابارلايدى Dalanews.kz.
بلوگەر ايبولات بوكەنوۆ ءۇش جىل ورتاشا قاۋىپسىزدىك دەڭگەيىندەگى كولونيادا جازاسىن وتەيدى. سوت ونى الاياقتىق، بوپسالاۋ جانە قىلمىستىق جولمەن الىنعان قاراجاتتى زاڭداستىرۋ باپتارى بويىنشا كىنالى دەپ تانىدى.
ايىپتاۋ نۇسقاسىنا سايكەس ول الەۋمەتتىك جەلىدەگى پاراقشاسىن جەرگىلىكتى بيلىكتى سىناۋ ارقىلى تانىمال ەتكەن. مالىمەتكە سۇيەنسەك، كەيىن جاريالانعان جازبالاردى ءوشىرۋ ءۇشىن جانە باسقا دا ماقساتتاردا شەنەۋنىكتەردەن اقشا تالاپ ەتكەن. بۇل ءىس بويىنشا اۋدان اكىمدەرى مەن دەپارتامەنت باسشىلارى جابىرلەنۋشى رەتىندە تانىلعان.
سوت بارىسىندا ايبولات بوكەنوۆ كىناسىن مويىنداعان. ونىڭ ايتۋىنشا، الىنعان قاراجاتتىڭ ءبىر بولىگىن ءباس تىگۋگە جۇمساپ، ۇتىلىپ قالعان.
