Ońtústikte siyrdy robot saýatyn kásiporyn jumys isteidi
Kompaniia kesheni tolyǵymen robottandyrylǵan. Keshende búginde 408 bas saýyn siyr bar. Úsh mezgil saýylatyn bir iri qaranyń táýliktik ortasha ónimdiligi 30-32 litrge para-par.
Sút-taýarlyq fermasynda 6 robot-saýynshy, avtomattandyrylǵan kóӊ alǵysh qural-jabdyq, jemdeý ústeli, salqyndatý, meteostantsiialy jeldetkish, siyrlardyӊ kúililigin anyqtaý kameralary, sút saýý apparattary bar sút qubyry ornalasqan. Negizgi 400 basqa eseptelgen keshenniń investitsiialyq kólemi 9,4 mlrd. teńgeni quraidy. Bul keshen oblysta sút óndirisin jaӊa deӊgeige kóterýge jáne importtyq ónimge táýeldilikti tómendetýge múmkindik beredi.
Sondai-aq, munda 6 mal dárigeri, 2 tuiaqshy, 2 uryqtandyrýshy jumys isteidi. Siyrlardyń qulaǵynda chip ornatylǵan. Saýyn ornyna osy chip arqyly kirip shyǵady.
Aita keteiik, oblysqa jylyna 738,4 myń tonna sút jáne sút ónimderi qajet dep eseptelinedi. Qazirgi kúni naqty óndiriletini – 740,6 myń tonna. Oblys boiynsha iri, orta jáne shaǵyn sút óndirýshi 61 agroqurylym jumys istep jatyr.
Jańa tehnologiia boiynsha jumys istep jatqan jalǵyz sút-taýarlyq fermasynyń jumysymen aýyl sharýashylyǵy kooperativterin qurý boiynsha ótken kóshpeli seminarǵa qatysýshylar tanysty.
Seminar keńeste óńirdegi sút pen qus sharýashylyǵynda birlesken kooperativter quryp, ónim kólemin arttyrý jaiy talqylandy. Onda oblystyq aýyl sharýashylyǵy basqarmasynyń mamandary kooperativterdi qurýdyń talaptary men artyqshylyqtary jaiynda paidaly maǵlumattar usyndy. Al qarjy uiymdarynyń ókilderi aýyl sharýashylyǵyn qoldaýǵa arnalǵan memlekettik baǵdarlamalardy túsindirip, sýbsidiia men nesie alýdyń tártibimen tanystyrdy.
Seminar-keńeske qatysýshylar sonymen qatar, búginde ónimin alys-jaqyn shetelge eksporttap jatqan «Ordabasy qus» kásipornynyń jumysymen tanysty. Kásporyn jylyna 8110 tonna tiri salmaqta kúrketaýyq etin óndirýge qaýqarly.
OQO ákiminiń baspasóz qyzmeti
