كومپانيا كەشەنى تولىعىمەن روبوتتاندىرىلعان. كەشەندە بۇگىندە 408 باس ساۋىن سيىر بار. ءۇش مەزگىل ساۋىلاتىن ءبىر ءىرى قارانىڭ تاۋلىكتىك ورتاشا ونىمدىلىگى 30-32 ليترگە پارا-پار.
ءسۇت-تاۋارلىق فەرماسىندا 6 روبوت-ساۋىنشى، اۆتوماتتاندىرىلعان كوӊ العىش قۇرال-جابدىق، جەمدەۋ ۇستەلى، سالقىنداتۋ، مەتەوستانسيالى جەلدەتكىش، سيىرلاردىӊ كۇيلىلىگىن انىقتاۋ كامەرالارى، ءسۇت ساۋۋ اپپاراتتارى بار ءسۇت قۇبىرى ورنالاسقان. نەگىزگى 400 باسقا ەسەپتەلگەن كەشەننىڭ ينۆەستيسيالىق كولەمى 9،4 ملرد. تەڭگەنى قۇرايدى. بۇل كەشەن وبلىستا ءسۇت ءوندىرىسىن جاӊا دەӊگەيگە كوتەرۋگە جانە يمپورتتىق ونىمگە تاۋەلدىلىكتى تومەندەتۋگە مۇمكىندىك بەرەدى.
سونداي-اق، مۇندا 6 مال دارىگەرى، 2 تۇياقشى، 2 ۇرىقتاندىرۋشى جۇمىس ىستەيدى. سيىرلاردىڭ قۇلاعىندا چيپ ورناتىلعان. ساۋىن ورنىنا وسى چيپ ارقىلى كىرىپ شىعادى.
ايتا كەتەيىك، وبلىسقا جىلىنا 738،4 مىڭ توننا ءسۇت جانە ءسۇت ءونiمدەرi قاجەت دەپ ەسەپتەلىنەدى. قازىرگى كۇنى ناقتى ءوندiرiلەتiنi – 740،6 مىڭ توننا. وبلىس بويىنشا iرi، ورتا جانە شاعىن ءسۇت ءوندiرۋشi 61 اگروقۇرىلىم جۇمىس iستەپ جاتىر.
جاڭا تەحنولوگيا بويىنشا جۇمىس ىستەپ جاتقان جالعىز ءسۇت-تاۋارلىق فەرماسىنىڭ جۇمىسىمەن اۋىل شارۋاشىلىعى كووپەراتيۆتەرىن قۇرۋ بويىنشا وتكەن كوشپەلى سەمينارعا قاتىسۋشىلار تانىستى.
سەمينار كەڭەستە وڭىردەگى ءسۇت پەن قۇس شارۋاشىلىعىندا بىرلەسكەن كووپەراتيۆتەر قۇرىپ، ءونىم كولەمىن ارتتىرۋ جايى تالقىلاندى. وندا وبلىستىق اۋىل شارۋاشىلىعى باسقارماسىنىڭ ماماندارى كووپەراتيۆتەردى قۇرۋدىڭ تالاپتارى مەن ارتىقشىلىقتارى جايىندا پايدالى ماعلۇماتتار ۇسىندى. ال قارجى ۇيىمدارىنىڭ وكىلدەرى اۋىل شارۋاشىلىعىن قولداۋعا ارنالعان مەملەكەتتىك باعدارلامالاردى ءتۇسىندىرىپ، سۋبسيديا مەن نەسيە الۋدىڭ تارتىبىمەن تانىستىردى.
سەمينار-كەڭەسكە قاتىسۋشىلار سونىمەن قاتار، بۇگىندە ءونىمىن الىس-جاقىن شەتەلگە ەكسپورتتاپ جاتقان «ورداباسى قۇس» كاسىپورنىنىڭ جۇمىسىمەن تانىستى. كاسپورىن جىلىنا 8110 توننا ءتىرى سالماقتا كۇركەتاۋىق ەتىن وندىرۋگە قاۋقارلى.
وقو اكىمىنىڭ باسپا ءسوز قىزمەتى
