Petropavldaǵy kommýnaldyq kásiporynǵa ruqsat berý qujattarynda qarastyrylmaǵan aǵyndy sýlardy zańsyz aǵyzǵany úshin 174 mln teńge aiyppul salyndy, dep habarlaidy dalanews.kz.
Oblystyń mamandandyrylǵan tabiǵat qorǵaý prokýratýrasy júrgizgen taldaý barysynda Petropavldaǵy kommýnaldyq kásiporynnyń ekologiialyq zańnamany buzǵany anyqtalǵan.
Prokýratýranyń talabynan keiin oblystyq Ekologiia departamenti kásiporynǵa tekserý júrgizdi. Tekserý nátijesinde ruqsat berý qujattarynda kózdelmegen aǵyndy sýlardy aǵyzý faktileri anyqtaldy.
Osyǵan bailanysty Ekologiia departamenti kásiporynǵa anyqtalǵan zań buzýshylyqtardy joiý týraly nusqama berip, ákimshilik quqyq buzýshylyq týraly is qozǵady.
2026 jylǵy 14 tamyzda sot qaýlysymen kommýnaldyq kásiporyn Ákimshilik quqyq buzýshylyq týraly kodekstiń 328-babynyń 1-bóligi boiynsha ákimshilik jaýapkershilikke tartylyp, oǵan 174 mln teńge kóleminde aiyppul salyndy.
Sot aktisi zańdy kúshine endi.
Prokýratýra málimetinshe, óńirde ekologiialyq zańnama talaptarynyń saqtalýyn baqylaý jáne anyqtalǵan buzýshylyqtardyń jolyn kesý jumystary jalǵasyp jatyr.
