Búgin QR Úkimetiniń qańtar-qyrkúiek ailaryndaǵy áleýmettik-ekonomikalyq damý qorytyndylaryna arnalǵan otyrysynda QR Ulttyq ekonomika ministri Álibek Qýantyrov barlyq 7 ekonomikalyq kórsetkish boiynsha 5 óńirde – Abai, Batys Qazaqstan, Qyzylorda oblystarynda, sondai-aq Almaty jáne Shymkent qalalarynda ósim baryn atap ótti.
Qazirgi ýaqytta el ekonomikasynyń jalpy ósý qarqyny 4,7%-dy qurap otyr. Naqty sektor 3,7%, al qyzmet kórsetý salasy 5,1%-ǵp ósim kórsetti. Negizgi kapitalǵa salynǵan investitsiialar da 12,1%-ǵa ósken. Ekonomikanyń osy sektorynda Abai oblysy – Mańǵystaý, Túrkistan jáne Pavlodar oblystarymen qatar eń úzdik kórsetkishterdi kórsetip otyr.
– Aldyn ala qorytyndy nátijesinde 2023 jylǵy qańtar-tamyzda syrtqy saýda ainalymy 4,2%-ǵa ósip, 91,1 mlrd dollardy qurady. Eksport 51,2 mlrd. dollardy qurap, onyń ishinde óńdelgen taýarlar eksporty 16,2 mlrd. dollarǵa jetti. Jalpy, oń saýda balansy 11,4 mlrd dollarǵa teń, – dedi Ulttyq ekonomika ministri Álibek Qýantyrov.
Sondai-aq, oryndalǵan qurylys jumystarynyń kólemi 12,6%-ǵa artqan. Oń dinamika 19 oblysta baiqalǵan, onyń ishinde Abai oblysy da bar. Búginde respýblikada 11,7 million sharshy metr turǵyn úi paidalanýǵa berilgen. Bul salada eń joǵary kórsetkish Astana qalasynda, sondai-aq Ulytaý, Qyzylorda jáne Abai oblysynda tirkeldi.
– 9 aidyń qorytyndysy boiynsha Abai, Batys Qazaqstan, Qyzylorda oblystary men Almaty jáne Shymkent qalalarynda barlyq negizgi kórsetkishterdiń ósýi tirkeldi. Qabyldanǵan sharalardyń nátijesinde infliatsiia deńgeii 11,8%-ke deiin tómendedi. Jyldyń sońyna deiin 2,5 ai qaldy. Ekonomikanyń barlyq salalarynda ósý qarqynyn arttyrý úshin jumysty kúsheitip, naqty sharalar qabyldaý kerek, – dedi Álihan Smailov.
Otyrys barysynda QR Premer-ministri Álihan Smaiylov barlyq óńirler nysanaly kórsetkishterge qol jetkizýdi qamtamasyz etip, osy baǵyttaǵy jumysty belsendi jalǵastyrýy qajet ekenin atap ótti.
