بۇگىن ق ر ۇكىمەتىنىڭ قاڭتار-قىركۇيەك ايلارىنداعى الەۋمەتتىك-ەكونوميكالىق دامۋ قورىتىندىلارىنا ارنالعان وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ بارلىق 7 ەكونوميكالىق كورسەتكىش بويىنشا 5 وڭىردە – اباي، باتىس قازاقستان، قىزىلوردا وبلىستارىندا، سونداي-اق الماتى جانە شىمكەنت قالالارىندا ءوسىم بارىن اتاپ ءوتتى.
قازىرگى ۋاقىتتا ەل ەكونوميكاسىنىڭ جالپى ءوسۋ قارقىنى 4،7%-دى قۇراپ وتىر. ناقتى سەكتور 3،7%، ال قىزمەت كورسەتۋ سالاسى 5،1%-عپ ءوسىم كورسەتتى. نەگىزگى كاپيتالعا سالىنعان ينۆەستيسيالار دا 12،1%-عا وسكەن. ەكونوميكانىڭ وسى سەكتورىندا اباي وبلىسى – ماڭعىستاۋ، تۇركىستان جانە پاۆلودار وبلىستارىمەن قاتار ەڭ ۇزدىك كورسەتكىشتەردى كورسەتىپ وتىر.
– الدىن الا قورىتىندى ناتيجەسىندە 2023 جىلعى قاڭتار-تامىزدا سىرتقى ساۋدا اينالىمى 4،2%-عا ءوسىپ، 91،1 ملرد دوللاردى قۇرادى. ەكسپورت 51،2 ملرد. دوللاردى قۇراپ، ونىڭ ىشىندە وڭدەلگەن تاۋارلار ەكسپورتى 16،2 ملرد. دوللارعا جەتتى. جالپى، وڭ ساۋدا بالانسى 11،4 ملرد دوللارعا تەڭ، – دەدى ۇلتتىق ەكونوميكا ءمينيسترى الىبەك قۋانتىروۆ.
سونداي-اق، ورىندالعان قۇرىلىس جۇمىستارىنىڭ كولەمى 12،6%-عا ارتقان. وڭ ديناميكا 19 وبلىستا بايقالعان، ونىڭ ىشىندە اباي وبلىسى دا بار. بۇگىندە رەسپۋبليكادا 11،7 ميلليون شارشى مەتر تۇرعىن ءۇي پايدالانۋعا بەرىلگەن. بۇل سالادا ەڭ جوعارى كورسەتكىش استانا قالاسىندا، سونداي-اق ۇلىتاۋ، قىزىلوردا جانە اباي وبلىسىندا تىركەلدى.
– 9 ايدىڭ قورىتىندىسى بويىنشا اباي، باتىس قازاقستان، قىزىلوردا وبلىستارى مەن الماتى جانە شىمكەنت قالالارىندا بارلىق نەگىزگى كورسەتكىشتەردىڭ ءوسۋى تىركەلدى. قابىلدانعان شارالاردىڭ ناتيجەسىندە ينفلياسيا دەڭگەيى 11،8%-كە دەيىن تومەندەدى. جىلدىڭ سوڭىنا دەيىن 2،5 اي قالدى. ەكونوميكانىڭ بارلىق سالالارىندا ءوسۋ قارقىنىن ارتتىرۋ ءۇشىن جۇمىستى كۇشەيتىپ، ناقتى شارالار قابىلداۋ كەرەك، – دەدى ءاليحان سمايلوۆ.
وتىرىس بارىسىندا ق ر پرەمەر-مينيسترى ءاليحان سمايىلوۆ بارلىق وڭىرلەر نىسانالى كورسەتكىشتەرگە قول جەتكىزۋدى قامتاماسىز ەتىپ، وسى باعىتتاعى جۇمىستى بەلسەندى جالعاستىرۋى قاجەت ەكەنىن اتاپ ءوتتى.
