Úkimet úiinde Memleket basshysynyń ónerkásip, energetika jáne kólik salalaryndaǵy tapsyrmalaryn júzege asyrý boiynsha QR Úkimetiniń baspasóz konferentsiiasy ótti. Onda Premer-ministrdiń birinshi orynbasary Roman Skliar baiandama jasady. Ol naqty sektordy damytý jaiyna keńinen toqtaldy, dep habarlaidy Dalanews.kz.
"Ónerkásipte jarty jyl ishinde óndiris kólemi 28,9 trln teńgeni qurap, 6,5%-ǵa ósti, onyń ishinde óńdeý ónerkásibi 13,7 trln teńgege ónim óndirdi, bul ótken jylǵy kórsetkishten 5,5%-ǵa joǵary. Óńdeýshi sektordyń eldiń Jalpy ishki ónimge qosqan úlesi - 12,4%. Bul ósim mashina jasaý (+11,1%), himiia ónerkásibi (+7%), qurylys materialdaryn óndirý (+8,6%) jáne azyq-túlik ónimderi (+10%) kórsetkishteriniń artýy esebinen qamtamasyz etildi",
— dedi ol.
Biyl jalpy quny shamamen 1,5 trln teńge bolatyn 190 jobany iske qosý josparlanyp otyr. Búginde onyń 196 mlrd teńge somasyna 47 joba iske qosylyp, 3 myńnan astam jumys orny quryldy.
