ۇكىمەت ۇيىندە مەملەكەت باسشىسىنىڭ ونەركاسىپ، ەنەرگەتيكا جانە كولىك سالالارىنداعى تاپسىرمالارىن جۇزەگە اسىرۋ بويىنشا ق ر ۇكىمەتىنىڭ باسپا ءسوز كونفەرەنسياسى ءوتتى. وندا پرەمەر-مينيستردىڭ ءبىرىنشى ورىنباسارى رومان سكليار بايانداما جاسادى. ول ناقتى سەكتوردى دامىتۋ جايىنا كەڭىنەن توقتالدى، دەپ حابارلايدى Dalanews.kz.
"ونەركاسىپتە جارتى جىل ىشىندە ءوندىرىس كولەمى 28،9 ترلن تەڭگەنى قۇراپ، 6،5%-عا ءوستى، ونىڭ ىشىندە وڭدەۋ ونەركاسىبى 13،7 ترلن تەڭگەگە ءونىم ءوندىردى، بۇل وتكەن جىلعى كورسەتكىشتەن 5،5%-عا جوعارى. وڭدەۋشى سەكتوردىڭ ەلدىڭ جالپى ىشكى ونىمگە قوسقان ۇلەسى - 12،4%. بۇل ءوسىم ماشينا جاساۋ (+11،1%)، حيميا ونەركاسىبى (+7%)، قۇرىلىس ماتەريالدارىن ءوندىرۋ (+8،6%) جانە ازىق-تۇلىك ونىمدەرى (+10%) كورسەتكىشتەرىنىڭ ارتۋى ەسەبىنەن قامتاماسىز ەتىلدى"،
— دەدى ول.
بيىل جالپى قۇنى شامامەن 1،5 ترلن تەڭگە بولاتىن 190 جوبانى ىسكە قوسۋ جوسپارلانىپ وتىر. بۇگىندە ونىڭ 196 ملرد تەڭگە سوماسىنا 47 جوبا ىسكە قوسىلىپ، 3 مىڭنان استام جۇمىس ورنى قۇرىلدى.
