Sherzat Bolattyń aǵasy Nurqanat Ǵaiypbaevtyń 2021 jyly «Newqazaq.kz» aqparattyq agenttigine bergen suhbaty tarady. Onda Nurqanattyń eki adamdy qutqaryp qalǵany aitylǵan, - dep habarlaidy Dalanews.kz.
«Sol kúni jumysta bolatynmyn. Saǵat 17-20-da dispetcher qyzmetinen apat boldy degen shaqyrtý tústi. Oqiǵa bolǵan jerden ara qashyqtyq 7 shaqyrymdai eken. Jalma jan sol baǵytqa bet aldyq. 7 minýtta oqiǵa ornyna jettim. Habarlamada qorshaýdyń syrty dep túsken, alaida samolet ushý-qoný jolaǵyna jetpei qorshaýdyń ishine qulapty. Ainalyp kelý úshin ýaqyt joǵaltatyn bolǵandyqtan, qorshaýdan asyp túsip, qolyma biksimdi ala sala júgirdim. Samolet janyp jatyr. Órt sóndirýshiler men aviatsiialyq dárigerler de arǵy jaǵynan kele jatyr eken. Janyp jatqan samoletke qarai júgirdik.
Borttyń janynda órt ishinde essiz jatqan ekeýin súirep alyp shyǵyp, alǵashqy kómek berdik. Bireýin aviatsiialyq dárigerler, bireýine algoritm boiynsha alǵashqy kómekti ózim kórsettim. Olardy emhanaǵa jetkizý úshin qosymsha 3 brigada shaqyrdym. Lezde 18-shi brigada keldi. Naýqasty emhanaǵa alyp ketti. Negizinde áleýjelidegi «batyr jigitter» – tek naýqasty alyp ketip, emhanaǵa jetkizýshiler. Sol jerde Almaty qalasynyń jedel járdem qyzmetiniń mindetin atqarýshy Parhat Nadyrov jumysqa aýysý týraly usynysty tek ekeýine emes, bárimizge aitty. Ekeýi kelisimin berdi, men óz ortamdy tańdadym», – degen edi Nurqanat.
Nurqanat 10-shy brigada qaitys bolǵandardy anyqtap, zertteý jumystaryn jasaý úshin ózimen qalǵanyn aitqan. Túngi on-on birge deiin sonda bolǵan. Órt óshirilgen. Eki adamdy kabinanyń aldynan, bireýin ortasynan, al bireýin borttyń syrtynan tapqan. Almatynyń jedel járdem qyzmeti bári bitken kezde saǵat 19.30-darda jetken.
«Bul bir maqtanarlyq jaǵdai emes, alaida «shyndyq nege burmalandy, osyndai syn saǵatta kim óz upaiyn túgendegisi keldi eken»,- degen oi mazalady. Ertesine jumysqa kelgende basshylardan zań talaptaryn buzǵanym úshin urys esittim. №230 buiryq boiynsha tótenshe jaǵdai tártibin buzǵanym ras. Samolet janyp jatyr, ainalanyń bárine benzin tógilgen. Kez kelgen jaǵdaida samolet jarylýy qaýpi joǵary. Qaýipsizdik erejelerin saqtaý mindetim. Biraq maǵan sol sátte, óz ómirimdi saqtaityn erejeden góri azamattyq, adamgershilik paryzym joǵary turdy. Sálden soń, ashýlary basylǵan soń meńgerýshimiz Baian Esenuly arqamnan qaǵyp, «sen naǵyz erlershe áreket ettiń» dep alǵysyn aitty. Aǵa feldsherler Nazerke Aidarhan men Altynai Anarbek te óz alǵystaryn bildirdi. Almaty oblysy jedel járdem qyzmeti direktorynyń orynbasary Omar Nurǵali Omaruly men Almaty oblysynyń aǵa feldsheri Serik Anarbekulynyń alǵysy da men úshin barlyq marapattan úlken, – deidi naǵyz batyr Nurqanat.
Eske salaiyq, 9 jeltoqsanda Almaty oblysynda Sherzat Bolattyń aǵasy Nurqanat Ǵaiypbaev óli tabylǵan edi. Politsiia departamentiniń aldyn ala derekteri boiynsha, ol sýitsid jasaǵan. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
Habarlamada ol týysqandarymen qoshtasyp, jieniniń janyna jerleýdi suraǵan.
Bul fakti boiynsha qylmystyq is qozǵaldy. Qazirgi ýaqytta barlyq jaǵdailardy anyqtaý úshin tergeý amaldary júrgizilip jatyr.
