Abai oblysynyń ákimi Nurlan Uranhaev azamattardy jeke suraqtarymen qabyldady. Ákim qabyldaýynda bolǵan turǵyndar turǵyn úi, aýlalardy abattandyrý, balalar alańyn salý, káriz júiesin qalypqa keltirý, qoqys tazalaý, úi janýarlarynyń kóshede jaiylýyna tyiym salýǵa qatysty ózekti máselelerdi kóterdi.
Biyl qalalyq infraqurylymdy jaqsartý baǵdarlamasy aiasynda Semeide 45 aýlaishilik joldardy asfalttaý jumystary josparlanǵan. Josparǵa sáikes qyrkúiek aiynyń ortasyna deiin taǵy 20 aýlaishilik aýmaqty asfalttaý aiaqtalmaq. 2024 jyly 46 aýla men tórt qoǵamdyq keńistikti abattandyrý jumystary josparlanýda.
– Kóterilgen barlyq suraqtar meniń jeke baqylaýymda. Turǵyndardyń saýaldaryna jedel jáne naqty jaýap berý úshin halyqpen únemi keri bailanys ornatý mańyzdy. Biz týyndaǵan máselelerdi tez sheshýge daiyn bolýymyz kerek. Turǵyndar óz pikirleriniń shynymen mańyzdy ekenin, olardyń suraqtary nazardan tys qalmaitynyn sezinýi kerek, – dedi aimaq basshysy.
Azamattardy jeke qabyldaý barysynda ákim barlyq suraqtarǵa tolyq jaýap berdi. Sondai-aq, kóterilgen máselelerdi jedel sheshý úshin qala ákimi men basqarma basshylaryna naqty tapsyrmalar berdi.
