اباي وبلىسىنىڭ اكىمى نۇرلان ۇرانحايەۆ ازاماتتاردى جەكە سۇراقتارىمەن قابىلدادى. اكىم قابىلداۋىندا بولعان تۇرعىندار تۇرعىن ءۇي، اۋلالاردى اباتتاندىرۋ، بالالار الاڭىن سالۋ، كارىز جۇيەسىن قالىپقا كەلتىرۋ، قوقىس تازالاۋ، ءۇي جانۋارلارىنىڭ كوشەدە جايىلۋىنا تىيىم سالۋعا قاتىستى وزەكتى ماسەلەلەردى كوتەردى.
بيىل قالالىق ينفراقۇرىلىمدى جاقسارتۋ باعدارلاماسى اياسىندا سەمەيدە 45 اۋلاىشىلىك جولداردى اسفالتتاۋ جۇمىستارى جوسپارلانعان. جوسپارعا سايكەس قىركۇيەك ايىنىڭ ورتاسىنا دەيىن تاعى 20 اۋلاىشىلىك اۋماقتى اسفالتتاۋ اياقتالماق. 2024 جىلى 46 اۋلا مەن ءتورت قوعامدىق كەڭىستىكتى اباتتاندىرۋ جۇمىستارى جوسپارلانۋدا.
– كوتەرىلگەن بارلىق سۇراقتار مەنىڭ جەكە باقىلاۋىمدا. تۇرعىنداردىڭ ساۋالدارىنا جەدەل جانە ناقتى جاۋاپ بەرۋ ءۇشىن حالىقپەن ۇنەمى كەرى بايلانىس ورناتۋ ماڭىزدى. ءبىز تۋىنداعان ماسەلەلەردى تەز شەشۋگە دايىن بولۋىمىز كەرەك. تۇرعىندار ءوز پىكىرلەرىنىڭ شىنىمەن ماڭىزدى ەكەنىن، ولاردىڭ سۇراقتارى نازاردان تىس قالمايتىنىن سەزىنۋى كەرەك، – دەدى ايماق باسشىسى.
ازاماتتاردى جەكە قابىلداۋ بارىسىندا اكىم بارلىق سۇراقتارعا تولىق جاۋاپ بەردى. سونداي-اق، كوتەرىلگەن ماسەلەلەردى جەدەل شەشۋ ءۇشىن قالا اكىمى مەن باسقارما باسشىلارىنا ناقتى تاپسىرمالار بەردى.
