IIM stalking úshin qylmystyq jaýapkershilik qarastyrylǵanyn eske saldy, dep habarlaidy Dalanews.kz.
Qaita-qaita qońyraý shalý, habarlama jiberý, áleýmettik jeliler arqyly baqylaý, adamnyń erkinen tys izine túsý – stalking.
"Bul áreketter adamnyń qaýipsizdigine jáne psihologiialyq jai-kúiine tikelei qaýip tóndiredi. Qazaqstan Respýblikasynyń Qylmystyq kodeksiniń 115-1-babyna sáikes stalking faktisine zańmen qatań jaýapkershilik kózdelgen. Bul bapqa sáikes 200 ailyq eseptik kórsetkishke deiin aiyppul salynyp, 200 saǵatqa deiin qoǵamdyq jumystarǵa tartý kózdelgen. Sondai-aq, 50 táýlikke deiin qamaýǵa alý jazasy qarastyrylǵan", - dedi IIM ókili.
Zańbuzýshylyq mindetti túrde jaýapkershilikke ákep soǵady.
"Ózge adamnyń "joq" degen jaýabyna mindetti túrde qurmetpen qaraý mindettelgen. Sizge nemese jaqyndaryńyzǵa qaýip tónse, únsiz qalmańyz, dereý 102 nómiri arqyly politsiiaǵa habarlasyńyz. Quqyǵyńyzdy bilińiz jáne qorǵańyz!" - dep eskertti IIM ókili.
