ءىىم ستالكينگ ءۇشىن قىلمىستىق جاۋاپكەرشىلىك قاراستىرىلعانىن ەسكە سالدى، دەپ حابارلايدى Dalanews.kz.
قايتا-قايتا قوڭىراۋ شالۋ، حابارلاما جىبەرۋ، الەۋمەتتىك جەلىلەر ارقىلى باقىلاۋ، ادامنىڭ ەركىنەن تىس ىزىنە ءتۇسۋ – ستالكينگ.
"بۇل ارەكەتتەر ادامنىڭ قاۋىپسىزدىگىنە جانە پسيحولوگيالىق جاي-كۇيىنە تىكەلەي ءقاۋىپ توندىرەدى. قازاقستان رەسپۋبليكاسىنىڭ قىلمىستىق كودەكسىنىڭ 115-1-بابىنا سايكەس ستالكينگ فاكتىسىنە زاڭمەن قاتاڭ جاۋاپكەرشىلىك كوزدەلگەن. بۇل باپقا سايكەس 200 ايلىق ەسەپتىك كورسەتكىشكە دەيىن ايىپپۇل سالىنىپ، 200 ساعاتقا دەيىن قوعامدىق جۇمىستارعا تارتۋ كوزدەلگەن. سونداي-اق، 50 تاۋلىككە دەيىن قاماۋعا الۋ جازاسى قاراستىرىلعان"، - دەدى ءىىم وكىلى.
زاڭبۇزۋشىلىق مىندەتتى تۇردە جاۋاپكەرشىلىككە اكەپ سوعادى.
"وزگە ادامنىڭ "جوق" دەگەن جاۋابىنا مىندەتتى تۇردە قۇرمەتپەن قاراۋ مىندەتتەلگەن. سىزگە نەمەسە جاقىندارىڭىزعا ءقاۋىپ تونسە، ءۇنسىز قالماڭىز، دەرەۋ 102 ءنومىرى ارقىلى پوليسياعا حابارلاسىڭىز. قۇقىعىڭىزدى ءبىلىڭىز جانە قورعاڭىز!" - دەپ ەسكەرتتى ءىىم وكىلى.
