Nur Otan – múgedek jandar turǵylyqty jerinen bólek, el aýmaǵy boiynsha qoǵamdyq kólikti tegin paidalaný kerek
Kezdesý barysynda elimizde qurylys kezeńinde nysandardyń qoljetimdiligin qamtamasyz etý bóliginde normativtik talaptardyń oryndalýyna qoǵamdyq baqylaý júiesin qurý jáne kedergisiz ortany qamtamasyz etý salasynda mamandar daiarlaý júiesin engizý qajettigi atap ótildi. Sondai-aq, keńes músheleriniń pikirinshe, múgedektigi bar adamdardyń memlekettik qoldaý sharalary týraly habardarlyǵyn arttyrý maqsatynda ortalyq jáne jergilikti atqarýshy organdar arasyndaǵy ózara is-qimyldy kúsheitý qajettiligi sóz boldy.
– Búginde ázirlenip jatqan Áleýmettik kodeks «qarjylandyrý qyzmet alýshyǵa ilesip júrýi tiis» qaǵidasyna sáikes bolýy tiis. Qaraǵandyda turatyn múgedektigi bar adamdar qoǵamdyq kólikti jergilikti biýdjet qarajaty esebinen tegin paidalanady. Alaida ol elordaǵa kelgende, qoǵamdyq kólikte tegin júre almaidy, – dedi keńes múshesi, Qaraǵandy oblysy ákiminiń múgedektigi bar adamdar máseleleri jónindegi shtattan tys keńesshisi Niiaz Súnditaliev.
Óz kezeginde keńes múshesi, «Arman – ANK» qoǵamdyq birlestiginiń úilestirýshisi Gúlnar Omarova erekshe qajettilikteri bar azamattarǵa ekpe egý máselesine jeke toqtaldy. Onyń aitýynsha, búginde úige baryp ekpe egý tek tósek tartyp jatqandar úshin ǵana júrgiziledi. Al múgedektigi bar kóptegen adamdardyń habardarlyǵy tómen bolǵandyqtan, olar ekpe egýge bolmaityn jaǵdailardyń tizimi, sondai-aq qosalqy aýrýlary bolǵan jaǵdaida ekpe alýǵa bolatyny ne bolmaityndyǵy jaiynda bilmeidi.
Buǵan jaýap retinde QR Eńbek jáne halyqty áleýmettik qorǵaý vitse-ministri Erlan Áýkenov partiia keńesiniń ókilderin erekshe qajettilikteri bar adamdardy vaktsinatsiialaý protsesi QR Densaýlyq saqtaý ministrliginiń ókilderimen birge jergilikti jerlerde pysyqtalatynyna sendirdi.
– Biyl múgedektigi bar adamdardyń ómir súrý sapasyn jaqsartýǵa baǵyttalǵan 5 zań qabyldaý josparlanǵan. Onyń ishinde áleýmettik kásipkerlik jáne inkliýzivti bilim berý týraly 2 zań qabyldandy. Azamattardyń jekelegen sanattaryn áleýmettik qorǵaý týraly zań Parlament Senatynyń qaraýynda. «Múgedekterdiń quqyqtary týraly fakýltativtik hattamany ratifikatsiialaý» jáne «Múgedek adamdardyń ómir súrý sapasyn jaqsartý týraly» taǵy 2 zań jobasy úkimet qaraýynda, – dep atap ótti vitse-ministr.
Kezdesýdi qorytyndylai kele, Keńes tóraǵasy, Májilis depýtaty Elnur Beisenbaev elimizde barlyq óńirlerde «Nur Otan» partiiasynyń janynan erekshe qajettilikteri bar adamdar úshin infraqurylym men qoǵamdyq kólik nysandarynyń qoljetimdiligine arnalǵan 227 monitoringtik top qurylǵanyn atap ótti. Qoǵamdyq negizde bul jumysqa shamamen 1 630 adam tartyldy, biraq olardyń kelisilgen ádistemelik usynymdary joq.
Osyǵan bailanysty Indýstriia jáne infraqurylymdyq damý ministrligine Eńbek jáne halyqty áleýmettik qorǵaý ministrligimen birlesip, 2 ai ishinde monitoringtik toptardyń músheleri úshin ádistemelik usynymdardy pysyqtap, olarǵa oqytý uiymdastyrý usynyldy.
