كەزدەسۋ بارىسىندا ەلىمىزدە قۇرىلىس كەزەڭىندە نىسانداردىڭ قولجەتىمدىلىگىن قامتاماسىز ەتۋ بولىگىندە نورماتيۆتىك تالاپتاردىڭ ورىندالۋىنا قوعامدىق باقىلاۋ جۇيەسىن قۇرۋ جانە كەدەرگىسىز ورتانى قامتاماسىز ەتۋ سالاسىندا ماماندار دايارلاۋ جۇيەسىن ەنگىزۋ قاجەتتىگى اتاپ ءوتىلدى. سونداي-اق، كەڭەس مۇشەلەرىنىڭ پىكىرىنشە، مۇگەدەكتىگى بار ادامداردىڭ مەملەكەتتىك قولداۋ شارالارى تۋرالى حاباردارلىعىن ارتتىرۋ ماقساتىندا ورتالىق جانە جەرگىلىكتى اتقارۋشى ورگاندار اراسىنداعى ءوزارا ءىس-قيمىلدى كۇشەيتۋ قاجەتتىلىگى ءسوز بولدى.
– بۇگىندە ازىرلەنىپ جاتقان الەۋمەتتىك كودەكس «قارجىلاندىرۋ قىزمەت الۋشىعا ىلەسىپ ءجۇرۋى ءتيىس» قاعيداسىنا سايكەس بولۋى ءتيىس. قاراعاندىدا تۇراتىن مۇگەدەكتىگى بار ادامدار قوعامدىق كولىكتى جەرگىلىكتى بيۋدجەت قاراجاتى ەسەبىنەن تەگىن پايدالانادى. الايدا ول ەلورداعا كەلگەندە، قوعامدىق كولىكتە تەگىن جۇرە المايدى، – دەدى كەڭەس مۇشەسى، قاراعاندى وبلىسى اكىمىنىڭ مۇگەدەكتىگى بار ادامدار ماسەلەلەرى جونىندەگى شتاتتان تىس كەڭەسشىسى نياز سۇندىتالييەۆ.
ءوز كەزەگىندە كەڭەس مۇشەسى، «ارمان – انك» قوعامدىق بىرلەستىگىنىڭ ۇيلەستىرۋشىسى گۇلنار وماروۆا ەرەكشە قاجەتتىلىكتەرى بار ازاماتتارعا ەكپە ەگۋ ماسەلەسىنە جەكە توقتالدى. ونىڭ ايتۋىنشا، بۇگىندە ۇيگە بارىپ ەكپە ەگۋ تەك توسەك تارتىپ جاتقاندار ءۇشىن عانا جۇرگىزىلەدى. ال مۇگەدەكتىگى بار كوپتەگەن ادامداردىڭ حاباردارلىعى تومەن بولعاندىقتان، ولار ەكپە ەگۋگە بولمايتىن جاعدايلاردىڭ ءتىزىمى، سونداي-اق قوسالقى اۋرۋلارى بولعان جاعدايدا ەكپە الۋعا بولاتىنى نە بولمايتىندىعى جايىندا بىلمەيدى.
بۇعان جاۋاپ رەتىندە ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەرلان اۋكەنوۆ پارتيا كەڭەسىنىڭ وكىلدەرىن ەرەكشە قاجەتتىلىكتەرى بار ادامداردى ۆاكسيناسيالاۋ پروسەسى ق ر دەنساۋلىق ساقتاۋ مينيسترلىگىنىڭ وكىلدەرىمەن بىرگە جەرگىلىكتى جەرلەردە پىسىقتالاتىنىنا سەندىردى.
– بيىل مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋعا باعىتتالعان 5 زاڭ قابىلداۋ جوسپارلانعان. ونىڭ ىشىندە الەۋمەتتىك كاسىپكەرلىك جانە ينكليۋزيۆتى ءبىلىم بەرۋ تۋرالى 2 زاڭ قابىلداندى. ازاماتتاردىڭ جەكەلەگەن ساناتتارىن الەۋمەتتىك قورعاۋ تۋرالى زاڭ پارلامەنت سەناتىنىڭ قاراۋىندا. «مۇگەدەكتەردىڭ قۇقىقتارى تۋرالى فاكۋلتاتيۆتىك حاتتامانى راتيفيكاسيالاۋ» جانە «مۇگەدەك ادامداردىڭ ءومىر ءسۇرۋ ساپاسىن جاقسارتۋ تۋرالى» تاعى 2 زاڭ جوباسى ۇكىمەت قاراۋىندا، – دەپ اتاپ ءوتتى ۆيسە-مينيستر.
كەزدەسۋدى قورىتىندىلاي كەلە، كەڭەس ءتوراعاسى، ءماجىلىس دەپۋتاتى ەلنۇر بەيسەنبايەۆ ەلىمىزدە بارلىق وڭىرلەردە «Nur Otan» پارتياسىنىڭ جانىنان ەرەكشە قاجەتتىلىكتەرى بار ادامدار ءۇشىن ينفراقۇرىلىم مەن قوعامدىق كولىك نىساندارىنىڭ قولجەتىمدىلىگىنە ارنالعان 227 مونيتورينگتىك توپ قۇرىلعانىن اتاپ ءوتتى. قوعامدىق نەگىزدە بۇل جۇمىسقا شامامەن 1 630 ادام تارتىلدى، ءبىراق ولاردىڭ كەلىسىلگەن ادىستەمەلىك ۇسىنىمدارى جوق.
وسىعان بايلانىستى يندۋستريا جانە ينفراقۇرىلىمدىق دامۋ مينيسترلىگىنە ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ، 2 اي ىشىندە مونيتورينگتىك توپتاردىڭ مۇشەلەرى ءۇشىن ادىستەمەلىك ۇسىنىمداردى پىسىقتاپ، ولارعا وقىتۋ ۇيىمداستىرۋ ۇسىنىلدى.
