"Saryarqa" hokkei klýby 170 mln teńge qaryzǵa batty. Bul týraly Nege.Aqsha arnasy jazdy,- dep habarlaidy Dalanews.kz.
Arna málimetinshe, Qaraǵandynyń «Saryarqa» hokkei klýby 2021 jyldan beri nesie bereshegi kóbeiýi men biýdjettik qarjylandyrý qysqarýyna bailanysty qarjylyq qiyndyqtarǵa tap bolǵan.
"Qyzmetkerlerdiń ýaqytsha jumysty toqtatýynyń ekonomikalyq sebepteri is materialdarymen rastalady: "UHY SAPA Consulting" JShS aýditorlyq tekserisiniń qorytyndylary, nesie berýshilerdiń talaptary, nesie bereshegin óndirý týraly sot aktileri jáne býhgalterlik qujattar. 2023 jyldyń birinshi toqsanyndaǵy málimetke sáikes 31 naýryzdaǵy jaǵdai boiynsha klýbtyń jalpy qaryzy, onyń ishinde qyzmetkerlerdiń jalaqysy men mindetti aýdarymdary 170 433 141,77 teńge boldy», – dep jazylǵan 2025 jylǵy 27 aqpandaǵy Qaraǵandy oblystyq sotynyń azamattyq ister jónindegi sot alqasynyń qaýlysynda.
"Diadia Vania" arnasy «Saryarqanyń» qarjylyq jaǵdaiynyń nasharlaýyn 2022 jyly Nurlan Nyǵmatýlinniń Májilis tóraǵasy qyzmetinen ketýimen bailanystyrady.
Bas prokýratýra «Saryarqanyń» burynǵy direktory Arǵyn Nyǵmatýlindi izdestirip jatyr.
Nyǵmatýlinge qatysty is
Qazir Arǵyn Nyǵmatýlinge jáne Qaraǵandy oblysynda hokkeidi damytýǵa bólingen biýdjet qarajatyn jymqyrdy degen kúdikke ilingen basqa da adamdarǵa qatysty qylmystyq is tergelip jatyr.
Al buǵan deiin Sybailas jemqorlyqqa qarsy qyzmet Nurlan Nyǵmatýlinniń aǵasy Arǵyn Nyǵmatýlindi izdep jatqany habarlandy.
Bul is biyl 3 naýryzda Astanada tirkeldi. Izdeýge bastama jasaǵan - prokýratýra.
Ashyq derekkóz málimetinshe, Arǵyn Nyǵmatýlin - Májilistiń burynǵy tóraǵasy Nurlan Nyǵmatýlinniń jáne eks-depýtat Erlan Nyǵmatýlinniń aǵasy.
Ol 1955 jyly 28 maýsymda dúniege kelgen. 2007 jyly sáýirden 2018 jylǵa deiin «Saryarqa» hokkei klýby» JShS direktory qyzmetin atqardy. Qaraǵandy oblystyq máslihatynyń depýtaty boldy.
