Qazir qoǵamda kiberalaqtyq órship tur. Olardyń arasynda gipnoz qoldanatyndary da bar kórinedi. Osyndai bir oqiǵamen qarjyger-maman Aidarhan Qusaiynov bólisti, dep habarlaidy Dalanews.kz.
"Men jańa ǵana gipnoz qoldanylǵan naqty bir oqiǵadan qanyqtym. Úlken, baisaldy adam uialy telefon qońyraýyna qulaqqap arqyly jaýap beremin dep esin bir sátke joǵaltqan. Keiin ózi júrgen, bolǵan jerdegi syrtqy baqylaý kameralaryn tekserse, óziniń telefonmen sóilesip júrip, arǵy jaqtaǵylardyń bar aitqanyn múltiksiz oryndaǵanynyń kýási bolady. Bankke kiredi, nesie tirketedi, aqshany aýdarady, taǵysyn taǵy. Biraq osynyń barlyǵynan ózi habarsyz bolyp shyqqan. Gipnozdy azdap zerttep kórgen óz basym buǵan sendim. Onyń ústine gipnozǵa qarsy turatyn eshqandai qaýqar da, amal da joq. Sondyqtan áleýmettik jelide óz oqiǵasyn baiandap, "kiberalaiaqtarǵa qalai aldanyp qalǵanyn, nesieni qalai tirketip qoiǵanyn bilmei qaldym" dep jatatyndardy men jaqsy túsinemin. Sol sebepti beitanys nómirlerge jaýap bergende uialy telefondy múlde qulaqqa jaqyndatpaǵan durys. Daýysyn kóterip qoiyp qoiyńyz, boldy. Al miǵa jaqyndaǵan saiyn gipnoz áseri kúshtirek bolady", dep jazady jelide qarjyger-maman Aidarhan Qusaiynov.
Buǵan deiin kiberalaiaqtarǵa aldanyp, nesiege "batqandar" qarasy kóbeiip bara jatqanyn aityp, dabyl qaqqan ekonomist Rasýl Rysmambetov osyndai qaskóilerge jem bolǵan tanystarynyń oqiǵasyn baiandap bergen edi.
