Nazarbaev qory baqylaýyndaǵy reseilik bank 2024 jyl úshin rekordtyq joǵary tabys týraly esep berdi, dep habarlaidy Dalanews.kz.
2021 jyly «Nazarbaev qory» basqarýyna ótken «Aziia-Tynyq muhit banki» (ATB) qarjylyq nátijeler týraly esepti usyndy. Resei Ortalyq bankiniń saitynda ornalastyrylǵan derekter boiynsha, ATB ótken jyly 11,3 milliard rýbl taza paida tapqan. Aǵymdaǵy baǵam boiynsha Qazaqstan valiýtasyna shaqqanda bul 59,2 milliard teńgeden asady.
Banktiń paiyzdyq tabysy 31,2 milliard rýbldi (162,4 milliard teńge) qurady. ATB-niń tabysy rekordty bolyp, sońǵy aida 15,54% ósti.
Sońǵy úsh jyl ishinde, iaǵni Nursultan Nazarbaevtyń qory bankke ielik etken kezeńde, ol 19,88 milliard rýbl (103 milliardtan asa teńge) tapty.
ATB 2021 jyly Resei Ortalyq banki finans institýtyn saýdaǵa shyǵarǵannan keiin Qazaqstan eks-prezidentiniń baqylaýyna ótti.
Satyp alýshy - «Nazarbaev qoryna» jáne eks-prezidentpen bailanysty basqa uiymdarǵa tiesili «Pioneer Capital Invest» JShS boldy.
2024 jyly biz Nazarbaev bastamasymen qurylǵan kompaniia frantsýzdar baqylaýyna ótkenin jazǵanbyz.
