نازارباەۆ قورى باقىلاۋىنداعى رەسەيلٸك بانك 2024 جىل ٷشٸن رەكوردتىق جوعارى تابىس تۋرالى ەسەپ بەردٸ, دەپ حابارلايدى Dalanews.kz.
2021 جىلى «نازارباەۆ قورى» باسقارۋىنا ٶتكەن «ازييا-تىنىق مۇحيت بانكٸ» (اتب) قارجىلىق نەتيجەلەر تۋرالى ەسەپتٸ ۇسىندى. رەسەي ورتالىق بانكٸنٸڭ سايتىندا ورنالاستىرىلعان دەرەكتەر بويىنشا, اتب ٶتكەن جىلى 11,3 ميلليارد رۋبل تازا پايدا تاپقان. اعىمداعى باعام بويىنشا قازاقستان ۆاليۋتاسىنا شاققاندا بۇل 59,2 ميلليارد تەڭگەدەن اسادى.
بانكتٸڭ پايىزدىق تابىسى 31,2 ميلليارد رۋبلدٸ (162,4 ميلليارد تەڭگە) قۇرادى. اتب-نٸڭ تابىسى رەكوردتى بولىپ, سوڭعى ايدا 15,54% ٶستٸ.
سوڭعى ٷش جىل ٸشٸندە, ياعني نۇرسۇلتان نازارباەۆتىڭ قورى بانككە يەلٸك ەتكەن كەزەڭدە, ول 19,88 ميلليارد رۋبل (103 ميللياردتان اسا تەڭگە) تاپتى.
اتب 2021 جىلى رەسەي ورتالىق بانكٸ فينانس ينستيتۋتىن ساۋداعا شىعارعاننان كەيٸن قازاقستان ەكس-پرەزيدەنتٸنٸڭ باقىلاۋىنا ٶتتٸ.
ساتىپ الۋشى - «نازارباەۆ قورىنا» جەنە ەكس-پرەزيدەنتپەن بايلانىستى باسقا ۇيىمدارعا تيەسٸلٸ «Pioneer Capital Invest» جشس بولدى.
2024 جىلى بٸز نازارباەۆ باستاماسىمەن قۇرىلعان كومپانييا فرانتسۋزدار باقىلاۋىنا ٶتكەنٸن جازعانبىز.
