Eńbek jáne halyqty áleýmettik qorǵaý ministri Birjan Nurymbetov zeinetaqy qoryndaǵy ózi jiǵan qarajatty alýǵa quqyly dep habarlaidy Dalanews.kz Eýraziia arnasyna silteme jasap.
Ministr bolǵany úshin emes árine, tártip solai. Ashyp aitar bolsaq, osy ýaqytqa deiin 6 mln 700 myń teńgeni jinap úlgerseńiz, ústindegi qarjyny alyp, ózińiz jumsai alasyz. Qazir elimizde bul mejege jetken 114 myń adam bar. Ministrdiń ózi sol tizimge enetin bolyp shyqty.
40 jastaǵy azamattyń zeinetaqy qoryndaǵy salymyn alý úshin, ol jerde kem degende 6 mln 700 myń teńge qarjysy bolýy tiis. Belgilengen somadan asqannan keiin ǵana, azamat ústindegi jinalǵan aqshasyn alyp, kádege jaratýǵa úmittene alady.
Úkimet qabyrǵasynda ótken jiynda Eńbek jáne halyqty áleýmettik qorǵaý ministri Birjan Nurymbetov osylai málimdedi.
Birjan Nurymbetov, QR Eńbek jáne halyqty áleýmettik qorǵaý ministri:
"Aita ketýimiz kerek, jinaqtaýshy zeinetaqy qorynda el azamattarynyń 10,4 mlrd teńge jinaǵy, 10 mln-ǵa jýyq zeinetaqy esepshottary bar. Biraq, ókinishke orai, onyń ishindegi salymdardyń tek 53%-niń jinaq somasy 500 myń teńgege deiin ǵana. Qosymsha 16% 500 myń teńgeden - 1 mln teńgege deiin ǵana.
Al, salymshylardyń qalǵan 15% 1-2 mln teńgeniń tóńireginde aqsha jinap úlgergen. Demek, zeinetaqy qoryna qarttyqqa qarjy saqtap jatqan azamattardyń 84%-iń aqshasy 2 mln teńgege de jetpeidi.
Al, ministrdiń ózi sol qordaǵy qarjyny alý baqytyna ie bolatyn 114 myń adamnyń tizimine kiretinin málimdedi.
Birjan Nurymbetov, QR Eńbek jáne halyqty áleýmettik qorǵaý ministri:
"Men 2009 jyldan bastap osy Astanada jumys isteimin. Úlken qyzmetterde, jalaqy jaqsy bolǵan. 114 myńnyń ishine kiremin".
Vedomstvo basshysynyń sózinshe, qazir jumysshylardan jarnany ustap, ol qarjyny zeinetaqy qoryna aýdarmai júrgen 100 myńnan astam kásiporyn bar eken. Olardyń qordalanǵan qaryzy 3 mlrd teńgege jýyq. Jaqyn arada ministrlik sol aqshany óndirip alýdyń qamyna kirispek.
Birjan Nurymbetov, QR Eńbek jáne halyqty áleýmettik qorǵaý ministri:
"Ókinishke orai, búgingi kúnniń ózinde 100 myńǵa jýyq kásiporyndar bizdiń azamattyń, jumysshynyń jalaqysynan 10% jarnany ustap, biraq, jinaqtaýshy qorǵa aýdarmai otyr. 2,7 mlrd teńge qaryzdar bar".
https://youtu.be/J6wfHrSw9_I
