ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ زەينەتاقى قورىنداعى ءوزى جيعان قاراجاتتى الۋعا قۇقىلى دەپ حابارلايدى Dalanews.kz ەۋرازيا ارناسىنا سىلتەمە جاساپ.
مينيستر بولعانى ءۇشىن ەمەس ارينە، ءتارتىپ سولاي. اشىپ ايتار بولساق، وسى ۋاقىتقا دەيىن 6 ملن 700 مىڭ تەڭگەنى جيناپ ۇلگەرسەڭىز، ۇستىندەگى قارجىنى الىپ، ءوزىڭىز جۇمساي الاسىز. ءقازىر ەلىمىزدە بۇل مەجەگە جەتكەن 114 مىڭ ادام بار. ءمينيستردىڭ ءوزى سول تىزىمگە ەنەتىن بولىپ شىقتى.
40 جاستاعى ازاماتتىڭ زەينەتاقى قورىنداعى سالىمىن الۋ ءۇشىن، ول جەردە كەم دەگەندە 6 ملن 700 مىڭ تەڭگە قارجىسى بولۋى ءتيىس. بەلگىلەنگەن سومادان اسقاننان كەيىن عانا، ازامات ۇستىندەگى جينالعان اقشاسىن الىپ، كادەگە جاراتۋعا ۇمىتتەنە الادى.
ۇكىمەت قابىرعاسىندا وتكەن جيىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ وسىلاي مالىمدەدى.
ءبىرجان نۇرىمبەتوۆ، ق ر ەڭبەك جانە حالىقتى الەۋمەتتىك قورعاۋ ءمينيسترى:
"ايتا كەتۋىمىز كەرەك، جيناقتاۋشى زەينەتاقى قورىندا ەل ازاماتتارىنىڭ 10،4 ملرد تەڭگە جيناعى، 10 ملن-عا جۋىق زەينەتاقى ەسەپشوتتارى بار. ءبىراق، وكىنىشكە وراي، ونىڭ ىشىندەگى سالىمداردىڭ تەك 53%ء-نىڭ جيناق سوماسى 500 مىڭ تەڭگەگە دەيىن عانا. قوسىمشا 16% 500 مىڭ تەڭگەدەن - 1 ملن تەڭگەگە دەيىن عانا.
ال، سالىمشىلاردىڭ قالعان 15% 1-2 ملن تەڭگەنىڭ توڭىرەگىندە اقشا جيناپ ۇلگەرگەن. دەمەك، زەينەتاقى قورىنا قارتتىققا قارجى ساقتاپ جاتقان ازاماتتاردىڭ 84%ء-ىڭ اقشاسى 2 ملن تەڭگەگە دە جەتپەيدى.
ال، ءمينيستردىڭ ءوزى سول قورداعى قارجىنى الۋ باقىتىنا يە بولاتىن 114 مىڭ ادامنىڭ تىزىمىنە كىرەتىنىن مالىمدەدى.
ءبىرجان نۇرىمبەتوۆ، ق ر ەڭبەك جانە حالىقتى الەۋمەتتىك قورعاۋ ءمينيسترى:
"مەن 2009 جىلدان باستاپ وسى استانادا جۇمىس ىستەيمىن. ۇلكەن قىزمەتتەردە، جالاقى جاقسى بولعان. 114 مىڭنىڭ ىشىنە كىرەمىن".
ۆەدومستۆو باسشىسىنىڭ سوزىنشە، ءقازىر جۇمىسشىلاردان جارنانى ۇستاپ، ول قارجىنى زەينەتاقى قورىنا اۋدارماي جۇرگەن 100 مىڭنان استام كاسىپورىن بار ەكەن. ولاردىڭ قوردالانعان قارىزى 3 ملرد تەڭگەگە جۋىق. جاقىن ارادا مينيسترلىك سول اقشانى ءوندىرىپ الۋدىڭ قامىنا كىرىسپەك.
ءبىرجان نۇرىمبەتوۆ، ق ر ەڭبەك جانە حالىقتى الەۋمەتتىك قورعاۋ ءمينيسترى:
"وكىنىشكە وراي، بۇگىنگى كۇننىڭ وزىندە 100 مىڭعا جۋىق كاسىپورىندار ءبىزدىڭ ازاماتتىڭ، جۇمىسشىنىڭ جالاقىسىنان 10% جارنانى ۇستاپ، ءبىراق، جيناقتاۋشى قورعا اۋدارماي وتىر. 2،7 ملرد تەڭگە قارىزدار بار".
https://youtu.be/J6wfHrSw9_I
