Sońǵy táýlikte vaktsinanyń birinshi komponentin 23 myń, ekinshisin 25 myńnan asa otandasymyz qabyldapty. Al bul ótken aptamen salystyrǵanda statistikanyń edáýir tómendegenin kórsetedi.
Óitkeni jeti kún buryn dertten qorǵaityn preparattyń alǵashqysyn 114 myńnan asa adam saldyryp, 48 myńǵa jýyǵy 2-shi komponentin alǵan.
Ásirese qos qalada da vaktsinaǵa turǵyndardyń beijai qaraýynyń sebebinen kórsetkish kóńil kónshitpei tur.
Bir apta buryn elordada 7 myńǵa jýyq jurtshylyq vaktsina alýǵa barsa, sońǵy táýlikte bul tizim myńnan asa adammen ǵana tolyǵypty.
Almatyda da jaǵdai osy tektes. Kún saiyn 15 myńǵa jýyq qarasha ekpe ektirip kelse, keshe indetke qarsy preparatty qabyldaǵandar 4 myńǵa da jetpegen.
Densaýlyq ministri Aleksei Tsoidyń aitýynsha Qazaqstandaǵy koronavirýstyq epidemiologiialyq jaǵdaidyń órbýine qatysty birneshe stsenarii bar.
“Biz koronavirýspen syrqattanýshylyǵymyzdy baqylap otyrmyz jáne ǵalymdardyń búkil jumys toby boljam jasaý ústinde. Iaǵni bul sońǵy eki aptadaǵy dinamikadaǵy naqty esepteýler, ol syrqattanýshylyq, onyń ishinde tósek júktemesiniń kórsetkishterin salystyrady.
Árine, biz eki apta saiyn boljam jasaimyz, boljamdarymyzdy qaita qarastyramyz.
Qazir bizde optimistik stsenariimen kúnine shamamen 6000-6100 jaǵdai bolýy múmkin dep boljap otyrmyz. Bul tamyz aiynda bolatyn órshý. Al táýligine naqty stsenariimen 9 myńǵa deiin jáne pessimistik stsenariimen 11 myńǵa deiin ósýi múmkin. Biz osyndai boljamdardy keltiremiz, bizdiń tósek-oryn qorynyń múmkindigi qandai bolatynyn qaraimyz jáne bul jerde tiisti sharalar qabyldanýda”, – dedi Tsoi.
Osyǵan deiin májbúrli vaktsinaǵa qarsy shyqqan bir top adam Densaýlyq saqtaý ministrliginiń ókiline tap bergeni habarlanǵan edi.
