Mıkroqarjylyq qyzmetti júzege asyratyn uıymdardyń aktıvteri 2025 jylǵy İ-toqsanda 5,2%-ǵa ulǵaıyp, 2025 jylǵy 1 sáýirdegi jaǵdaı boıynsha 3,2 trln teńgeni qurady. Aktıvterdiń ulǵaıýyna mıkroqarjy uıymdarynyń nesıe portfeliniń ósýi sebep boldy, dep habarlaıdy Dalanews.kz Qarjy naryǵyn retteý jáne damytý agenttigine silteme jasap.
Mıkroqarjylyq qyzmetti júzege asyratyn uıymdardyń (MQQJU) qurylymynda aktıvterdiń eń kóp úlesi mıkroqarjy uıymdaryna tıesili: 1,8 trln teńge nemese 57,4%, al kredıttik seriktestikterge 0,9 trln teńge nemese 29,4%, lombardtarǵa 0,4 trln teńge nemese 13,2% buıyrǵan.
MQQJU-nyń nesıe portfeli 2025 jylǵy İ-toqsanda negizinen jeke tulǵalarǵa berilgen mıkrokredıtter esebinen 3,2%-ǵa 2,8 trln teńgege deıin ulǵaıdy. MQQJU mıkrokredıtteriniń qurylymynda bıznes sýbektilerine mıkrokredıtterdiń úlesi 59,0%-dy, halyqqa mıkrokredıtter úlesi 41,0%-dy qurady.
Bıznes sýbektilerine berilgen qaryzdar 2025 jylǵy 1-toqsanda negizinen jeke tulǵalarǵa, onyń ishinde kásipkerlik maqsattarǵa berilgen dara kásipkerlerge mıkroqarjy uıymdarynyń mıkrokredıtteri esebinen 3,9%-ǵa 1,7 trln teńgege deıin ulǵaıdy.
Halyqqa berilgen qaryzdar kólemi negizinen 2025 jylǵy 1-toqsanda lombardtar bergen mıkrokredıtterdiń ulǵaıýy esebinen 3,4%-ǵa ulǵaıyp, 2025 jylǵy 1 sáýirdegi jaǵdaı boıynsha 1,2 trln teńgeni qurady.
Merzimi ótken bereshegi 90 kúnnen asatyn qaryzdardyń deńgeıi (NPL 90+) MQQJU-nyń portfelinde 2025 jylǵy 1 sáýirdegi jaǵdaı boıynsha 5,2%-dy qurady (01.01.2025 j. – 4,6%).
2025 jylǵy İ-toqsanda MQQJU-nyń mindettemeleri 5,3%-ǵa ulǵaıyp, 2,1 trln teńgeni qurady. Qorlandyrý qurylymyndaǵy negizgi úles alynǵan qaryzdarǵa tıesili, olardyń úlesi jıyntyq mindettemelerdiń 66,8%-yn nemese 1,4 trln teńgeni quraıdy. Mindettemelerdiń ulǵaıýy mıkroqarjy uıymdarynyń basqa da mindettemeleriniń ósýine baılanysty.
MQQJU-nyń menshikti kapıtaly 2025 jylǵy İ-toqsanda negizinen bólinbegen paıdanyń ulǵaıýy esebinen 5,1%-ǵa ulǵaıyp, 2025 jylǵy 1 sáýirdegi jaǵdaı boıynsha 1,1 trln teńgeni qurady.
Buǵan deıin elimizde 2025 jyldyń İ-toqsanynda shaǵyn bıznesti nesıelendirý kólemi 73%-ǵa artqanyn jazǵanbyz.
