ميكروقارجىلىق قىزمەتتٸ جٷزەگە اسىراتىن ۇيىمداردىڭ اكتيۆتەرٸ 2025 جىلعى ٸ-توقساندا 5,2%-عا ۇلعايىپ, 2025 جىلعى 1 سەۋٸردەگٸ جاعداي بويىنشا 3,2 ترلن تەڭگەنٸ قۇرادى. اكتيۆتەردٸڭ ۇلعايۋىنا ميكروقارجى ۇيىمدارىنىڭ نەسيە پورتفەلٸنٸڭ ٶسۋٸ سەبەپ بولدى, دەپ حابارلايدى Dalanews.kz قارجى نارىعىن رەتتەۋ جەنە دامىتۋ اگەنتتٸگٸنە سٸلتەمە جاساپ.
ميكروقارجىلىق قىزمەتتٸ جٷزەگە اسىراتىن ۇيىمداردىڭ (مققجۇ) قۇرىلىمىندا اكتيۆتەردٸڭ ەڭ كٶپ ٷلەسٸ ميكروقارجى ۇيىمدارىنا تيەسٸلٸ: 1,8 ترلن تەڭگە نەمەسە 57,4%, ال كرەديتتٸك سەرٸكتەستٸكتەرگە 0,9 ترلن تەڭگە نەمەسە 29,4%, لومباردتارعا 0,4 ترلن تەڭگە نەمەسە 13,2% بۇيىرعان.
مققجۇ-نىڭ نەسيە پورتفەلٸ 2025 جىلعى ٸ-توقساندا نەگٸزٸنەن جەكە تۇلعالارعا بەرٸلگەن ميكروكرەديتتەر ەسەبٸنەن 3,2%-عا 2,8 ترلن تەڭگەگە دەيٸن ۇلعايدى. مققجۇ ميكروكرەديتتەرٸنٸڭ قۇرىلىمىندا بيزنەس سۋبەكتٸلەرٸنە ميكروكرەديتتەردٸڭ ٷلەسٸ 59,0%-دى, حالىققا ميكروكرەديتتەر ٷلەسٸ 41,0%-دى قۇرادى.
بيزنەس سۋبەكتٸلەرٸنە بەرٸلگەن قارىزدار 2025 جىلعى 1-توقساندا نەگٸزٸنەن جەكە تۇلعالارعا, ونىڭ ٸشٸندە كەسٸپكەرلٸك ماقساتتارعا بەرٸلگەن دارا كەسٸپكەرلەرگە ميكروقارجى ۇيىمدارىنىڭ ميكروكرەديتتەرٸ ەسەبٸنەن 3,9%-عا 1,7 ترلن تەڭگەگە دەيٸن ۇلعايدى.
حالىققا بەرٸلگەن قارىزدار كٶلەمٸ نەگٸزٸنەن 2025 جىلعى 1-توقساندا لومباردتار بەرگەن ميكروكرەديتتەردٸڭ ۇلعايۋى ەسەبٸنەن 3,4%-عا ۇلعايىپ, 2025 جىلعى 1 سەۋٸردەگٸ جاعداي بويىنشا 1,2 ترلن تەڭگەنٸ قۇرادى.
مەرزٸمٸ ٶتكەن بەرەشەگٸ 90 كٷننەن اساتىن قارىزداردىڭ دەڭگەيٸ (NPL 90+) مققجۇ-نىڭ پورتفەلٸندە 2025 جىلعى 1 سەۋٸردەگٸ جاعداي بويىنشا 5,2%-دى قۇرادى (01.01.2025 ج. – 4,6%).
2025 جىلعى ٸ-توقساندا مققجۇ-نىڭ مٸندەتتەمەلەرٸ 5,3%-عا ۇلعايىپ, 2,1 ترلن تەڭگەنٸ قۇرادى. قورلاندىرۋ قۇرىلىمىنداعى نەگٸزگٸ ٷلەس الىنعان قارىزدارعا تيەسٸلٸ, ولاردىڭ ٷلەسٸ جيىنتىق مٸندەتتەمەلەردٸڭ 66,8%-ىن نەمەسە 1,4 ترلن تەڭگەنٸ قۇرايدى. مٸندەتتەمەلەردٸڭ ۇلعايۋى ميكروقارجى ۇيىمدارىنىڭ باسقا دا مٸندەتتەمەلەرٸنٸڭ ٶسۋٸنە بايلانىستى.
مققجۇ-نىڭ مەنشٸكتٸ كاپيتالى 2025 جىلعى ٸ-توقساندا نەگٸزٸنەن بٶلٸنبەگەن پايدانىڭ ۇلعايۋى ەسەبٸنەن 5,1%-عا ۇلعايىپ, 2025 جىلعى 1 سەۋٸردەگٸ جاعداي بويىنشا 1,1 ترلن تەڭگەنٸ قۇرادى.
بۇعان دەيٸن ەلٸمٸزدە 2025 جىلدىڭ ٸ-توقسانىندا شاعىن بيزنەستٸ نەسيەلەندٸرۋ كٶلەمٸ 73%-عا ارتقانىن جازعانبىز.
