2025 jyldyń 1 qańtaryndaǵy jaǵdai boiynsha elimizdegi mikoqarjy uiymdary bergen nesieler boiynsha merzimi ótken bereshekter kólemi 296 mlrd teńgege jetken,dep jazady Dalanews.kz.
Ulttyq banktiń málimetinshe, 2025 jyldyń 1 qańtarynda mikroqarjy uiymdarynyń kredittik portfeli 1,55 trln teńgeni qurady. Bir aida onyń kólemi azdap, iaǵni 1,97%-ǵa ósti. Negizgi úles jeke tulǵalarǵa berilgen shaǵyn nesieler quraidy, shamamen 1,3 trln teńge (2024 jylǵy 1 jeltoqsanmen salystyrǵanda +2,4%). Odan keiin jeke kásipkerlikke berilgen nesieler tur: 197,1 mlrd teńge (+4,4%). Úshtikti zańdy tulǵalar túiindeidi: 44,9 mlrd teńge (+6,1%).
Sonymen qatar, nesie portfelindegi merzimi ótken nesieler kólemi bir aida 3%-ǵa, iaǵni 295,9 mlrd teńgege deiin ulǵaiǵan. Eń úlken ósim 1-den 30 kúnge deiin keshiktirgender quraidy: 18,3% nemese 100,8 mlrd teńge. Sondai-aq, NPL mólsheri 61-den 90 kúnge deiin keshiktergender 9,05%-ǵa (shamamen 47 mlrd teńge) ósti. 90 kúnnen asatyn merzimi ótken bereshek nesielerge keletin bolsaq, munda 4,7%-ǵa nemese 102,3 mlrd teńgege deiin tómendeý bolypty. Sol sekildi NPL mólsheri 31-den 60 kúnge deiingileri 11,2%-ǵa, iaǵni 45,8 mlrd teńgege deiin azaidy.
Budan bólek, mikroqarjy uiymdarynda 90 kúnnen astam merzimi ótken mikroqaryzdar boiynsha proviziia mólsheri shamaly ulǵaidy: 87,4-ten 87,9 mlrd teńgege deiin (+0,57%).
Buǵan deiin saitymyzda "Halyqtyń tólei almai júrgen Kaspi Bank aldyndaǵy nesieler kólemi 291,6 mlrd teńgege jetti" degen maqala jariialanǵan bolatyn.
