2025 جىلدىڭ 1 قاڭتارىنداعى جاعداي بويىنشا ەلىمىزدەگى ميكوقارجى ۇيىمدارى بەرگەن نەسيەلەر بويىنشا مەرزىمى وتكەن بەرەشەكتەر كولەمى 296 ملرد تەڭگەگە جەتكەن،دەپ جازادى Dalanews.kz.
ۇلتتىق بانكتىڭ مالىمەتىنشە، 2025 جىلدىڭ 1 قاڭتارىندا ميكروقارجى ۇيىمدارىنىڭ كرەديتتىك پورتفەلى 1،55 ترلن تەڭگەنى قۇرادى. ءبىر ايدا ونىڭ كولەمى ازداپ، ياعني 1،97%-عا ءوستى. نەگىزگى ۇلەس جەكە تۇلعالارعا بەرىلگەن شاعىن نەسيەلەر قۇرايدى، شامامەن 1،3 ترلن تەڭگە (2024 جىلعى 1 جەلتوقسانمەن سالىستىرعاندا +2،4%). ودان كەيىن جەكە كاسىپكەرلىككە بەرىلگەن نەسيەلەر تۇر: 197،1 ملرد تەڭگە (+4،4%). ۇشتىكتى زاڭدى تۇلعالار تۇيىندەيدى: 44،9 ملرد تەڭگە (+6،1%).
سونىمەن قاتار، نەسيە پورتفەلىندەگى مەرزىمى وتكەن نەسيەلەر كولەمى ءبىر ايدا 3%-عا، ياعني 295،9 ملرد تەڭگەگە دەيىن ۇلعايعان. ەڭ ۇلكەن ءوسىم 1-دەن 30 كۇنگە دەيىن كەشىكتىرگەندەر قۇرايدى: 18،3% نەمەسە 100،8 ملرد تەڭگە. سونداي-اق، NPL مولشەرى 61-دەن 90 كۇنگە دەيىن كەشىكتەرگەندەر 9،05%-عا (شامامەن 47 ملرد تەڭگە) ءوستى. 90 كۇننەن اساتىن مەرزىمى وتكەن بەرەشەك نەسيەلەرگە كەلەتىن بولساق، مۇندا 4،7%-عا نەمەسە 102،3 ملرد تەڭگەگە دەيىن تومەندەۋ بولىپتى. سول سەكىلدى NPL مولشەرى 31-دەن 60 كۇنگە دەيىنگىلەرى 11،2%-عا، ياعني 45،8 ملرد تەڭگەگە دەيىن ازايدى.
بۇدان بولەك، ميكروقارجى ۇيىمدارىندا 90 كۇننەن استام مەرزىمى وتكەن ميكروقارىزدار بويىنشا پروۆيزيا مولشەرى شامالى ۇلعايدى: 87،4-تەن 87،9 ملرد تەڭگەگە دەيىن (+0،57%).
بۇعان دەيىن سايتىمىزدا "حالىقتىڭ تولەي الماي جۇرگەن Kaspi Bank الدىنداعى نەسيەلەر كولەمى 291،6 ملرد تەڭگەگە جەتتى" دەگەن ماقالا جاريالانعان بولاتىن.
