– Biz óz klıentterimiz úshin sıfrlyq servısterdiń tolyq qundy ekojúıesin qurýdamyz, sondyqtan Aviata men Chocotravel-diń servısterin satyp alý — bul toptyń damýyna qısyndy úles, – dedi, Tımýr Týrlov.
Choco holdıńi endi tek jetkizip berýmen aınalyspaq. Bul naryqta olarǵa Glovo, Wolt pen Iandeks syndy azýly básekelester bar.
Al Ramıl Mýhorápov Týrlov usynǵan aqshaǵa qaryzdaryn jappaq. Sonymen qatar, ol bıznesti basqarýdy Nıkolaı Mazensevke tolyq tapsyryp, shetelde biraz demalýy múmkin.
Sebebi, sońǵy ýaqyttary Qazaqstanda turý Mýhorápov úshin psıhologıalyq jaǵynan qıyn bolǵan edi.
Eki qoshqardyń basy bir qazanǵa sıa ma? Buǵan deıin naryqtaǵy qarjy servısteriniń eki IT-alpaýyty Týrlov (Freedom) pen Lomtadze (Kaspi) bir-birin oraǵytyp, tike básekelestikten qashyp júrgen edi.
Týrlov Kaspıdiń ogorodyna kirmeı, sıfrli saqtandyrý men ıpotekany damytyp júrse, Lomtadze tek jeke jáne zańdy tulǵalar kredıtin, Kaspi.kz qosymshasyndaǵy tólemder, aýdarymdar, bılet satý baǵytyn damytyp kelgen.
Sonymen Týrlov Lomtadzeniń tikeleı básekelesi Chocotravel-di satyp aldy. Demek, jekpe-jek endi bastalady. Kaspi Travel vs Chocotravel. Popkorn daıyn tursyn.
Al Mýhorápov demalsyn. Naǵyz akýlalar endi keldi.
