– ءبىز ءوز كليەنتتەرىمىز ءۇشىن سيفرلىق سەرۆيستەردىڭ تولىق قۇندى ەكوجۇيەسىن قۇرۋدامىز، سوندىقتان Aviata مەن Chocotravelء-دىڭ سەرۆيستەرىن ساتىپ الۋ — بۇل توپتىڭ دامۋىنا قيسىندى ۇلەس، – دەدى، تيمۋر تۋرلوۆ.
Choco حولدينگى ەندى تەك جەتكىزىپ بەرۋمەن اينالىسپاق. بۇل نارىقتا ولارعا Glovo، Wolt پەن ياندەكس سىندى ازۋلى باسەكەلەستەر بار.
ال راميل مۋحورياپوۆ تۋرلوۆ ۇسىنعان اقشاعا قارىزدارىن جاپپاق. سونىمەن قاتار، ول بيزنەستى باسقارۋدى نيكولاي مازەنسيەۆكە تولىق تاپسىرىپ، شەتەلدە ءبىراز دەمالۋى مۇمكىن.
سەبەبى، سوڭعى ۋاقىتتارى قازاقستاندا تۇرۋ مۋحورياپوۆ ءۇشىن پسيحولوگيالىق جاعىنان قيىن بولعان ەدى.
ەكى قوشقاردىڭ باسى ءبىر قازانعا سيا ما؟ بۇعان دەيىن نارىقتاعى قارجى سەرۆيستەرىنىڭ ەكى IT-الپاۋىتى تۋرلوۆ (Freedom) پەن لومتادزە (Kaspi) ءبىر-بىرىن وراعىتىپ، تىكە باسەكەلەستىكتەن قاشىپ جۇرگەن ەدى.
تۋرلوۆ كاسپيدىڭ وگورودىنا كىرمەي، ءسيفرلى ساقتاندىرۋ مەن يپوتەكانى دامىتىپ جۇرسە، لومتادزە تەك جەكە جانە زاڭدى تۇلعالار كرەديتىن، Kaspi.kz قوسىمشاسىنداعى تولەمدەر، اۋدارىمدار، بيلەت ساتۋ باعىتىن دامىتىپ كەلگەن.
سونىمەن تۋرلوۆ لومتادزەنىڭ تىكەلەي باسەكەلەسى Chocotravelء-دى ساتىپ الدى. دەمەك، جەكپە-جەك ەندى باستالادى. Kaspi Travel vs Chocotravel. پوپكورن دايىن تۇرسىن.
ال مۋحورياپوۆ دەمالسىن. ناعىز اكۋلالار ەندى كەلدى.
