OPEK+ shildede munai óndirisi kólemin aldyńǵy eki aidaǵydai birdei mólsherde ulǵaitý týraly qabyldaǵan sheshimi "qara alty"» baǵasyna 1 dollar qun ústemeledi. Brent markaly munai fiýchersteriniń bir barreli 63,97 dollarǵa, WTI markaly munaidyń bir barreli 62,09 dollarǵa deiin qymbattady. Eki brendtiń de munai jetkizý fiýchersteri qazirdiń ózinde ósimdi jalǵastyrýda. Sońǵy málimetter boiynsha, Brent munaiynyń quny 64,31 dollarǵa jetip, 2,44%-ǵa taǵy ósti, dep habarlaidy Dalanews.kz.
Saýd Arabiiasy, Resei, Irak, BAÁ, Aljir, Kýveit, Qazaqstan jáne Oman 30 mamyrda munaidyń táýliktik óndirisin 2025 jyldyń shildesinde 411 000 barrelge ulǵaitýǵa kelisti. Bul týraly OPEK saitynda jariialanǵan elderdiń birlesken málimdemesinde aitylady. Negizinen, shildede munai óndirisi kólemin ulǵaitý týraly sheshim qabyldaǵan OPEK + uiymynyń segiz múshesi aldynda óz erkimen resýrstardy óndirisin táýligine 2,2 million barrelge qysqartqan bolatyn. Sáýirde olar osy shekti kólemdi aqyryndap bosata bastaýǵa kelisken.
Reuters basylymynyń habarlaýynsha, negizinen, táýliktik ósim kólemi shildede budan da kóp bolady dep eseptelgen. Eger baǵany taǵy tómendetý maqsaty bolsa. Biraq ondai tosynsyi bolmady. Oǵan qosa AQSh naryǵynda burǵylaý belsendiliginiń tómendeýi baiqalady: jumys istep turǵan qondyrǵylardyń sany 461-ge deiin qysqardy, bul - 2021 jyldyń qarashasynan bergi eń tómengi kórsetkish. Baǵalarǵa qosymsha qoldaý AQSh-taǵy janar-jaǵarmaiǵa suranystyń artýy boldy: aptasyna táýligine 1 million barrelge jýyq, bul - sońǵy úsh jyldaǵy eń úlken sekiristerdiń biri. Sonymen qatar, daýyl men tsýnami belsendi bolatyn maýsym jaqyndap keledi, bul tasymalǵa qatysty belgili bir másele týǵyzýy múmkin. Osy jaǵynan alǵanda, kóterilgen munai baǵasy ary qarai óz jalǵastyǵyn tabýy múmkin be?
Ekonomist Rýslan Sultanov munai baǵasyndaǵy qazirgi ózgeris qysqarmerzimdi qubylys bolǵanymen alda ósimniń taǵy oryn alýyn joqqa shyǵarmaidy.
"Munai naryǵy OPEC-tiń boljamdy qadamdarynyń arqasynda qysqamerzimdi ósimdi baiqatty, biraq irgeli táýekelder áli de saqtalyp otyrǵanyn esten shyǵarmaǵan abzal. AQSh-taǵy maýsymdyq suranys jáne óndiristiń tómendeýi aldaǵy aptalarda baǵanyń qubylmalylyǵyna qaita jol ashýy múmkin", - deidi ol.
Buǵan deiin saitymyzda "Qazaqstan Eýropaǵa munai tasymaldaýshy iri úsh eldiń qatarynan kórindi" degen material jariialanǵan bolatyn.
