Qazaqstan mektepterinde hidjab kiiýge qatysty suraqqa Oqý-aǵartý ministrligi jaýap berdi. Vedomstvo eldegi bilim berý uiymdarynyń zaiyrly qaǵidatpen jumys isteitinin eske saldy, dep habarlaidy dalanews.kz.
Ministrliktiń málimetinshe, Qazaqstanda din memleketten bólingen, al mektepter zaiyrly bilim berý mekemeleri bolyp qala beredi. Bul másele jańa oqý jyly qarsańynda mektep formasyna qoiylatyn talaptardy túsindirý barysynda kóterilgen.
Sondai-aq vedomstvo ókilderi kóptegen mektepterdiń ishki tártip erejelerine sáikes oqý orny ǵimaratynda bas kiimmen júrýge tyiym salynatynyn atap ótti.
Ministrliktiń habarlaýynsha, mektep formasynyń naqty úlgisin ár bilim berý uiymy ata-analar qaýymdastyǵymen, qamqorshylyq keńespen jáne mekteptiń ózin-ózi basqarý organdarymen birlesip bekitedi.
Sonymen qatar ata-analardy belgili bir óndirýshiden nemese naqty dúkennen mektep formasyn satyp alýǵa májbúrleýge jol berilmeitini aityldy. Vedomstvonyń málimetinshe, mektep formasyn tańdaýda ata-analardyń quqyǵy saqtalýy tiis.
