قازاقستان مەكتەپتەرٸندە حيدجاب كييۋگە قاتىستى سۇراققا وقۋ-اعارتۋ مينيسترلٸگٸ جاۋاپ بەردٸ. ۆەدومستۆو ەلدەگٸ بٸلٸم بەرۋ ۇيىمدارىنىڭ زايىرلى قاعيداتپەن جۇمىس ٸستەيتٸنٸن ەسكە سالدى, دەپ حابارلايدى dalanews.kz.
مينيسترلٸكتٸڭ مەلٸمەتٸنشە, قازاقستاندا دٸن مەملەكەتتەن بٶلٸنگەن, ال مەكتەپتەر زايىرلى بٸلٸم بەرۋ مەكەمەلەرٸ بولىپ قالا بەرەدٸ. بۇل مەسەلە جاڭا وقۋ جىلى قارساڭىندا مەكتەپ فورماسىنا قويىلاتىن تالاپتاردى تٷسٸندٸرۋ بارىسىندا كٶتەرٸلگەن.
سونداي-اق ۆەدومستۆو ٶكٸلدەرٸ كٶپتەگەن مەكتەپتەردٸڭ ٸشكٸ تەرتٸپ ەرەجەلەرٸنە سەيكەس وقۋ ورنى عيماراتىندا باس كيٸممەن جٷرۋگە تىيىم سالىناتىنىن اتاپ ٶتتٸ.
مينيسترلٸكتٸڭ حابارلاۋىنشا, مەكتەپ فورماسىنىڭ ناقتى ٷلگٸسٸن ەر بٸلٸم بەرۋ ۇيىمى اتا-انالار قاۋىمداستىعىمەن, قامقورشىلىق كەڭەسپەن جەنە مەكتەپتٸڭ ٶزٸن-ٶزٸ باسقارۋ ورگاندارىمەن بٸرلەسٸپ بەكٸتەدٸ.
سونىمەن قاتار اتا-انالاردى بەلگٸلٸ بٸر ٶندٸرۋشٸدەن نەمەسە ناقتى دٷكەننەن مەكتەپ فورماسىن ساتىپ الۋعا مەجبٷرلەۋگە جول بەرٸلمەيتٸنٸ ايتىلدى. ۆەدومستۆونىڭ مەلٸمەتٸنشە, مەكتەپ فورماسىن تاڭداۋدا اتا-انالاردىڭ قۇقىعى ساقتالۋى تيٸس.
