Densaýlyq saqtaý ministri Aqmaral Álnazarova qaitys bolǵannan keiin aǵza múshelerin transplantatsiiaǵa paidalanýǵa kelisim berdi. Ministr bul sheshimin áleýmettik jelidegi paraqshasynda jariialady, dep habarlaidy dalanews.kz.
Onyń aitýynsha, qaitys bolǵannan keiingi donorlyq – ómirin saqtap qalýǵa múmkindik bar adamdarǵa kómektesýdiń bir joly.
«Bul týraly ashyq aitýdy mańyzdy dep sanaimyn. Densaýlyq saqtaý ministri bolǵanym úshin emes, árqaisymyzdyń bir kúni ózimiz nemese jaqyn adamymyz úshin osyndai sheshim qabyldaý qajettiligine tap bolýymyz múmkin bolǵandyqtan», - dedi ministr.
Vedomstvo basshysy, búginde donor bolýǵa kelisim berýshilerdiń sany artyp kele jatqanyn jetkizdi. Sózinshe, elimizde shamamen 184 myń adam sheshimin eGov arqyly tirkep qoiǵan.
Qazir elimizde 4 myń 867 adam transplantatsiia kútýde. Olardyń ishinde 4 myń 311 adamǵa — búirek, 212 adamǵa — júrek, 314 adamǵa — baýyr, 30 adamǵa — ókpe transplantatsiiasy qajet.
