دەنساۋلىق ساقتاۋ مينيسترٸ اقمارال ەلنازاروۆا قايتىس بولعاننان كەيٸن اعزا مٷشەلەرٸن ترانسپلانتاتسيياعا پايدالانۋعا كەلٸسٸم بەردٸ. مينيستر بۇل شەشٸمٸن ەلەۋمەتتٸك جەلٸدەگٸ پاراقشاسىندا جارييالادى, دەپ حابارلايدى dalanews.kz.
ونىڭ ايتۋىنشا, قايتىس بولعاننان كەيٸنگٸ دونورلىق – ٶمٸرٸن ساقتاپ قالۋعا مٷمكٸندٸك بار ادامدارعا كٶمەكتەسۋدٸڭ بٸر جولى.
«بۇل تۋرالى اشىق ايتۋدى ماڭىزدى دەپ سانايمىن. دەنساۋلىق ساقتاۋ مينيسترٸ بولعانىم ٷشٸن ەمەس, ەرقايسىمىزدىڭ بٸر كٷنٸ ٶزٸمٸز نەمەسە جاقىن ادامىمىز ٷشٸن وسىنداي شەشٸم قابىلداۋ قاجەتتٸلٸگٸنە تاپ بولۋىمىز مٷمكٸن بولعاندىقتان», - دەدٸ مينيستر.
ۆەدومستۆو باسشىسى, بٷگٸندە دونور بولۋعا كەلٸسٸم بەرۋشٸلەردٸڭ سانى ارتىپ كەلە جاتقانىن جەتكٸزدٸ. سٶزٸنشە, ەلٸمٸزدە شامامەن 184 مىڭ ادام شەشٸمٸن eGov ارقىلى تٸركەپ قويعان.
قازٸر ەلٸمٸزدە 4 مىڭ 867 ادام ترانسپلانتاتسييا كٷتۋدە. ولاردىڭ ٸشٸندە 4 مىڭ 311 ادامعا — بٷيرەك, 212 ادامعا — جٷرەك, 314 ادامعا — باۋىر, 30 ادامعا — ٶكپە ترانسپلانتاتسيياسى قاجەت.
