– Memlekettik tildiń BAQ-taǵy úlesi arta tústi. Mysaly, ótken jyly memlekettik BAQ-taǵy qazaq tilindegi kontenttiń úlesi 83 paıyzdy qurady. Atap aıtqanda, telearnalardaǵy qazaq tiliniń úlesi 77 paıyzǵa jetse, baspa BAQ-taǵy – 85 paıyz, ınternet-resýrstarda – 87 paıyzǵa jetti, – dep mınıstr mańyzdy derektermen bólisti.
Mınıstrdiń aıtýynsha, qazirgi ýaqytta medıa naryqta qazaq tildi BAQ-qa jarnama berýshiler qatary da arta túsken.
Qazaqstandyq resýrstarda PR maqalalardyń ornalastyrýdyń ósimi baıqalady. Osy rette ınternet-jarnamany retteý, áleýmettik jelilerdegi ınterfeıs pen jarnamalyq algorıtmderdi, monetızasıalaý júıesin qazaq tilinde jasaý óte mańyzdy.
– Atalǵan másele mınıstrlik ázirlep jatqan «Internet-jarnama jáne onlaın-platformalar týraly» Zań jobasynda qarastyrylýda. Jalpy, bul zań jobasy birinshi kezekte azamattardyń quqyǵyn qorǵaýǵa, onlaın-ortany qaýipsiz jáne ashyq túrde damytýǵa baǵyttalǵan. Ózderińizge belgili, búginde BAQ salasyndaǵy zańnamany jetildirý jumystary júrip jatyr, – dedi Darhan Qydyráli.
